અંત્રોલી ખાતે દેશી દારૂની ફેકટરી પર સ્ટેટ મોનીટરીંગ સેલના દરોડા

પલસાણા ,તા.02 ફેબ્રુઆરી 2023,ગુરૂવાર : સ્ટેટ મોનીટરીંગ સેલની ટીમે કડોદરા પોલીસ મથક વિસ્તારમાં આવેલ અંત્રોલી ખાતે આવેલ મામાદેવ મંદિર નજીક તળાવ કિનારે જાહેરમાં રેડ કરતા દેશી દારૂની ભઠ્ઠી પર દારૂ ગાળવામાં મદદરૂપ કાયદાના સંઘર્ષમાં આવેલા બે કિશોર સહિત કુલ 8 વ્યક્તિને ઝડપી લીધા હતા જ્યારે 5 વ્યક્તિને વોન્ટેડ જાહેર કર્યા હતા.

મળતી માહિતી અનુસાર સોમવારના રોજ સ્ટેટ મોનીટરીંગ સેલના માણસો કડોદરા GIDC પોલીસ મથક વિસ્તારમાં પેટ્રોલીંગમાં હતા.જે દરમિયાન સ્ટેટ મોનીટરીંગ સેલના પી.એસ.આઈ.ડી.જે.બારોટ નાઓને ખાનગી રાહે મળેલી બાતમી આધારે કડોદરા GIDC પોલીસ મથક વિસ્તારમાં આવેલ પલસાણા તાલુકાના અંત્રોલી ગામની સીમમાં મામાદેવ મંદિરે તળાવ કિનારે રેડ કરતા જાહેરમાં તળાવ કિનારે સંખ્યાબંધ દેશી દારૂની ભઠ્ઠીઓ મળી આવી હતી.જ્યાંથી પોલીસે જુદી જુદી ભઠ્ઠીઓ પરથી 800 લીટર વિદેશી દારૂ તેમજ 10,200.લિટર વોશ અને 3 વાહન મળી કુલ 1.66.200 નો મુદ્દામાલ કબ્જે કરી ગુનામાં સંડોવાયેલા 5 ને વોન્ટેડ જાહેર કર્યા હતા.

ગુનામાં પકડાયેલા આરોપીઓ

હિતેષ ભીમા રાઠોડ (રે. ભુરી ફળિયું, અંત્રોલી ગામ)

(2 )શેમુ રાજુ ઉર્ફે ખાલપ રાઠોડ (રે. ભુરી ફળિયું, અંત્રોલી )

(3) કિશોર ઠાકોર રાઠોડ( રે. ભુરી ફળિયું, અંત્રોલી ગામ)

(4)વિલેશ વેચ્ચાભાઈ વસાવા (રે, ઉપલુ ફળિયું તા.ઉચ્છલ )

(5) પ્રતાપ છગન વસાવા (રે, નિચલુ ફળિયું તા. ઉચ્છલ ચાંદાપુર દી તાપી)

(6) ગિરીશ જલુ વસાવા ( રે, આટ ગામ નિશાળ ફળિયું, તા.ઉચ્છલ દી તાપી)

વોન્ટેડ આરોપીઓ

(1)અનિલ શંકર રાઠોડ (રે. ભુરી ફળિયું, અંત્રોલીતા. પલસાણા ડી. સુરત)

(2)ભીખા અરવિંદ રાઠોડ રે. ભુરી ફળિયું, અંત્રોલી ગામ, તા. પલસાણા ડી. સુરત

(3) લાલુ બાલુ રાઠોડ
રી. ભુરી ફળિયું, અંત્રોલી ગામ, તા. પલસાણા ડી. સુરત

(4) સંદિપ ચૌધરી રે, અંત્રોલી ગામ કડોદરા સુરત

(5) રાજેશ નગીન રાઠોડ રે, હળપતિવાસ વરેલી ગામ, કડોદરા, સુરત