મહારાષ્ટ્રમાં શિવસેનાના નામ અને ચૂંટણી ચિન્હને લઈને લાંબા સમયથી ચાલી રહેલ ઝઘડાનો અંત આવ્યો છે.ઉદ્ધવ જૂથને મોટો ઝટકો લાગ્યો છે.ચૂંટણી પંચે એકનાથ શિંદે જૂથને શિવસેનાનું નામ અને ચૂંટણી ચિન્હ આપવાનો નિર્ણય કર્યો છે.જ્યાં એક તરફ સીએમ એકનાથ શિંદેએ તેને લોકશાહીની જીત ગણાવી છે,તો બીજી તરફ સાંસદ સંજય રાઉતે તેને લોકશાહીની હત્યા ગણાવી છે.તેના પર ઉદ્ધવ ઠાકરેના પિતરાઈ ભાઈ રાજ ઠાકરેએ ચૂંટણી પંચના નિર્ણય બાદ બાળાસાહેબ ઠાકરેનો ઓડિયો શેર કર્યો છે.જેમાં તે કહી રહ્યો છે કે પૈસા ખોવાઈ જશે તો ફરી કમાઈ જશે પણ જો નામ જતું રહે તો તે ક્યારેય પાછું નહીં આવે. MNS પ્રમુખ રાજ ઠાકરેએ ઓડિયો ટ્વીટ કરીને લખ્યું કે, આજે ફરી એકવાર જાણીએ છીએ કે બાળાસાહેબે આપેલો ‘શિવસેના’નો વિચાર કેટલો સાચો હતો…
લોકશાહીની જીત : મુખ્યમંત્રી એકનાથ શિંદે
ભાઈ ઉદ્ધવ પાસેથી શિવસેનાનું નામ અને ચિન્હ છીનવી લીધા બાદ રાજ ઠાકરેએ ટ્વીટ કરેલા ઓડિયોમાં બાળાસાહેબ ઠાકરેનું ભાષણ છે.જેમાં તે કહી રહ્યા છે કે, પૈસો આવે છે અને જાય છે.પૈસા જાય તો પાછું મળી જાય છે,પરંતુ એકવાર નામ જતું રહે તો તે ક્યારેય પાછું નથી આવતું.તેથી જ નામ મોટું કરો.નામ જ બધું છે.બીજી તરફ ચૂંટણી પંચના આ નિર્ણય બાદ મહારાષ્ટ્રના સીએમ એકનાથ શિંદેએ મીડિયા સાથે વાત કરતા કહ્યું કે આ લોકશાહીની જીત છે.લોકો અમારી સાથે જોડાઈ રહ્યા છે.આ સત્યની જીત છે.આ બાળાસાહેબના વિચારોની જીત છે.એકનાથ શિંદેએ કહ્યું કે આ લાખો કાર્યકરોની જીત છે.
અમને પહેલા દિવસથી જ વિશ્વાસ હતો : ફડણવીસ
ચૂંટણી પંચના નિર્ણય બાદ શિંદે જૂથના કાર્યકરો જશ્ન મનાવી રહ્યા છે,જ્યારે હવે આ અંગે બયાનબાજી પણ શરૂ થઈ ગઈ છે.આ મામલે રાજ્યના નાયબ મુખ્યમંત્રી દેવેન્દ્ર ફડણવીસે કહ્યું કે બાળાસાહેબ ઠાકરેના વિચારોને અનુસરનારી શિવસેના એટલે કે મુખ્યમંત્રી એકનાથ શિંદે.તેમને શિવસેનાનું નામ અને પ્રતીક,ધનુષ અને તીર મળ્યું છે.હવે અસલી શિવસેના એકનાથ શિંદેજીની શિવસેના બની ગઈ છે.હું તમને ખૂબ-ખૂબ અભિનંદન આપું છું,અમને પહેલા દિવસથી જ ખાતરી હતી,કારણ કે ચૂંટણી પંચના અગાઉના નિર્ણયો એ જ રીતે આવ્યા છે,તેથી જ અમે તેના પર વિશ્વાસ કર્યો.
એક વખત નામ જાય તો એ પાછું ન આવે : રાજ ઠાકરે
મહારાષ્ટ્ર નવનિર્માણ સેનાના નેતા રાજ ઠાકરેએ ગઈ કાલે શિવસેનાનું નામ અને ધનુષબાણનું ચિહન એકનાથ શિંદેને આપવાના લીધેલા નિર્ણયના મામલે ઉદ્ધવ ઠાકરે પર કટાક્ષ કર્યો હતો અને એ માટે તેમણે શિવસેનાના સ્થાપક બાળ ઠાકરેના એક વક્તવ્યનો એક ભાગ ટ્વીટ કર્યું હતું જે આ પ્રમાણે હતું…
નામ અને રૂપિયા
રૂપિયા આવે,રૂપિયા જાય
પાછો પણ આવે …
પણ એક વખત નામ ગુમાવ્યું
એ પાછું ન આવે
એ આવી ન શકે
કાળાંબજારમાં પણ મળે નહીં
તેથી નામને જાળવી રાખો
નામને વધારે ફેલાવો
– શિવસેનાપ્રમુખ બાળાસાહેબ ઠાકરે
