GST કાઉન્સિલે ઑનલાઇન ગેમિંગ,હોર્સ રેસિંગ અને કેસિનો પર 28% GST લાદવાનો નિર્ણય લીધો છે.સંપૂર્ણ કિંમત પર GST વસૂલ કરવામાં આવશે.GST કાઉન્સિલની 50મી બેઠકમાં આ નિર્ણય લેવામાં આવ્યો છે.આ નિયમ GST કાયદામાં સુધારા પછી લાગુ થશે.
GST કાઉન્સિલે સિનેમાની ટિકિટની સાથે પોપકોર્ન અને કોલ્ડ ડ્રિંક્સ જેવી ખાદ્ય ચીજવસ્તુઓ પર GST પર પોતાનું વલણ સ્પષ્ટ કર્યું છે.હવે આ તમામ વસ્તુઓને કમ્પોઝિટ સપ્લાય તરીકે ગણવામાં આવશે અને તેના પર મુખ્ય સપ્લાય એટલે કે સિનેમા ટિકિટની જેમ જ ટેક્સ લાગશે.એટલે કે સિનેમા હોલની રેસ્ટોરન્ટમાં ખાવા-પીવા પર હવે 5 ટકા GST ચૂકવવો પડશે,જે પહેલા 18 ટકા હતો. GST કાઉન્સિલે એપેલેટ ટ્રિબ્યુનલની સ્થાપનાને પણ મંજૂરી આપી છે.
GST કાઉન્સિલની બેઠક વિશે માહિતી આપતા નાણાપ્રધાન નિર્મલા સીતારમણે કહ્યું કે ચાર વસ્તુઓના GST દરમાં ઘટાડો કરવામાં આવ્યો છે.ફિશ પેસ્ટ પર GST 18 ટકાથી ઘટાડીને 5 ટકા કરવામાં આવ્યો છે.આ સાથે એલડી સ્લેગ પર જીએસટી પણ 18 ટકાથી ઘટાડીને 5 ટકા કરવામાં આવ્યો છે.GST કાઉન્સિલની બેઠકમાં કેન્સરની દવાઓની આયાત પર GST નાબૂદ કરવાનો નિર્ણય લેવામાં આવ્યો છે.આ સાથે સ્પેશિયલ મેડિસિન માટે દવા અને ફૂડ પર પણ IGST નાબૂદ કરવામાં આવ્યો છે. GST કાઉન્સિલના આ નિર્ણયથી કેન્સરની દવાની આયાત સસ્તી થશે.નાણામંત્રીએ કહ્યું કે GST કાઉન્સિલે MUV પર 22 ટકા સેસ દરને મંજૂરી આપી છે પરંતુ સેડાન તેમાં સામેલ નથી.
રાજ્યોએ GST કાઉન્સિલમાં PMLA એક્ટ હેઠળ GST લાવવાનો મુદ્દો પણ ઉઠાવ્યો હતો.નાણામંત્રીએ કહ્યું કે દિલ્હી પંજાબના નાણામંત્રી ઈચ્છે છે કે પહેલા આ અંગે ચર્ચા થવી જોઈએ.પરંતુ તમામ એજન્ડા પર ચર્ચા કર્યા બાદ તેના પર ચર્ચા થઈ હતી અને રાજ્યોના નાણા મંત્રીઓને સ્પષ્ટતા આપવામાં આવી હતી.
ઓનલાઈન ગેમિંગ,કેસિનો પર જીએસટી દરમાં વધારો
ઉપરાંત ઓનલાઈન ગેમિંગ,હોર્સ રેસિંગ પર જીએસટીના દરો વધારવા પર સહમતિ બની છે.હવે તેમના પર 18%ના બદલે 28% જીએસટી લાગશે.જોકે, ગોવાએ ઓનલાઈન ગેમિંગ પર દર વધારવાનો વિરોધ કર્યો હતો.
એપેલેટ ટ્રિબ્યુનલ બનાવવાની મંજૂરી
જીએસટી કાઉન્સિલે ફિટમેન્ટ કમિટીની તમામ ભલામણોને મંજૂરી આપી હતી.કાઉન્સિલે જીએસટી ટ્રિબ્યુનલની રચનાને મંજૂરી આપી દીધી છે.આની સાથે જ જીએસટી સંબંધિત વિવાદો વહેલામાં વહેલી તકે ઉકેલાઈ જશે.મહારાષ્ટ્રે રાજ્યમાં 7 એપેલેટ ટ્રિબ્યુનલની સ્થાપનાની માંગ કરી છે.પ્રથમ તબક્કામાં 4ને મંજૂરી આપવામાં આવશે, બાકીના ત્રણને આગામી તબક્કામાં લીલી ઝંડી મળશે.જ્યારે પશ્ચિમ બંગાળમાં બે એપેલેટ ટ્રિબ્યુનલની રચના કરવામાં આવશે.
