નવી દિલ્હી : ડિસેમ્બર,2019માં વિશ્વમાં સૌથી પ્રથમ ચીનમાં દેખા દેનાર કોરોના વાયરસનો અંત નજીક આવી રહ્યો છે.કોરોનાને કાબૂમાં લેવા માટે અંતે રસી શોધાઈ ગઈ છે.
મહત્વની વાત એ છે કે ભારતના સ્વતંત્રતા દિવસ પૂર્વે જ કોરોનાની રસી બજારમાં આવી જશે. વિશ્વની આ પ્રથમ કોરોના રસી 12 કે 13મી ઓગષ્ટના રોજ જાહેર થઈ શકે છે.
આ દેશમાંથી મળશે કોરોના રસી :
રશિયાએ વિશ્વની પ્રથમ કોરોના રસી લાવવાની યોજના બનાવી છે. સીએનએનના અહેવાલ અનુસાર વિશ્વના ઘણા દેશો હાલમાં કોરોના સામે યુદ્ધ લડી રહ્યા છે,તે દરમિયાન રશિયા 10, 12 ઓગસ્ટ સુધીમાં વિશ્વની પ્રથમ કોરોના રસીને મંજૂરી આપવા માટેના પ્રયત્નોમાં વ્યસ્ત છે.રશિયાએ આ માટે એક વિશેષ વ્યૂહરચના તૈયાર કરી છે.
આ પ્રથમ કોરોના રસી મોસ્કો સ્થિત ગૈમલૈયા સંસ્થા દ્વારા બનાવવામાં આવી છે.રશિયાએ કહ્યું છે કે એકવાર આ રસી જાહેર ઉપયોગ માટે મંજૂર થઈ જાય પછી, તે પહેલા ફ્રન્ટલાઈન હેલ્થકેર કામદારોને આપવામાં આવશે.
રશિયાના સંરક્ષણ મંત્રાલયે અહેવાલ આપ્યો છે કે સૈનિકોએ માનવ પરીક્ષણોમાં સ્વૈચ્છિક રીતે ભાગ લીધો છે.પ્રોજેક્ટ ડિરેક્ટર એલેક્ઝાંડર જીન્સબર્ગના હવાલેથી કહેવામાં આવ્યું છે કે તેણે આ રોગની રસી પહેલેથી જ લગાવી દીધી હતી.
અમેરિકાનો નનૈયો :
અમેરિકા અને વિશ્વના અન્ય અખબારપત્રમાં રશિયાની કોરોના રસી હજુ બીજા તબક્કામાં પૂર્ણ કરી શકી નથી તેવો દાવો કરવામાં આવ્યો છે.જ્યારે વિશ્વવ્યાપી સંશોધન કરવામાં આવી રહેલી કેટલીક અન્ય રસીઓની ટ્રાયલ ત્રીજા તબક્કામાં છે તેથી વિશ્વને પ્રથમ રસી અમેરિકા જ આપશે અને વિવિધ દેશોને તે મોકલવમાં પણ આવશે.
