જીએસટીની ટેક્સ પ્રણાલી લાગુ કર્યાના 6 વર્ષ બાદ પણ હજી પણ સિસ્ટમના નબળા પાસાંનો દુરૂપયોગ કરનારા
અનેક લોકો ઝબ્બે ચડી રહ્યાં છે.વીમા કંપનીઓ,ઈન્ટરમિડૅયરી માર્કેટિંગ કંપનીઓ અને કેટલીક નોન-બેંકિંગ ફાઇનાન્સ કંપનીઓ દ્વારા 824 કરોડ રૂપિયાની જીએસટી ચોરીનો એક કિસ્સો પ્રકાશમાં આવ્યો છે.ડિરેક્ટોરેટ જનરલ ઓફ ગુડ્સ એન્ડ સર્વિસ ટેક્સ (જીએસટી) ઈન્ટેલિજન્સના એક અધિકારીઓએ જણાવ્યું કે આ કંપનીઓ પર ગુડ્સ અને સર્વિસની સપ્લાય કર્યા વગર ઈનપુટ ટેક્સ ક્રેડિટ (આઈટીસી) મેળવવાનો આરોપ છે.
જીએસટી અધિકારીઓએ વીમા કંપનીઓ, વચેટિયાઓ અને બેંકો દ્વારા રૂ. 824 કરોડની કરચોરી પકડી છે.આ વિશે માહિતી મળ્યા પછી મુંબઈમાં જીએસટી ઇન્ટેલિજન્સ અધિકારીઓએ ઘણી વીમા કંપનીઓ,મધ્યસ્થી સંસ્થાઓ,માર્કેટિંગ/બ્રાન્ડિંગ કંપનીઓ, નોન-બેંકિંગ ફાઈનાન્સ કંપનીઓ અને બેંકોના પરિસરમાં સર્ચ ઓપરેશન હાથ ધર્યું હતું.તપાસ દરમિયાન અધિકારીઓએ જણાવ્યું હતું કે 15 વીમા કંપનીઓ,મધ્યસ્થી સંસ્થાઓ,એનબીએફસી અને બેંકો આ કથિત રીતે જીએસટી ટાળી રહી છે.આ સંસ્થાઓએ માર્કેટિંગ સેવાઓની આડમાં આઈટીસીને ખોટી રીતે પાસ કરવા અને એકબીજાની સુવિધા માટે નકલી ઇન્વૉઇસ ઇશ્યૂ કરવા માટે આંતરિક ગોઠવણ કરી હતી.
