નવી દિલ્હી : હાઉસિંગ ફાઈનાન્સની કંપની એચડીએફસી લિમિટેડનો માર્ચના ક્વાર્ટરનો ચોખ્ખો નફો 10 ટકા ઘટીને ~4341.58 કરોડ થયો હતો.ગયા વર્ષે આ ગાળામાં કંપનીનો ચોખ્ખો નફો ~4811.26 કરોડ હતો. કંપનીના બોર્ડે આ સાથે જ શેરદીઠ ~21 ડિવિડન્ડ જાહેર કર્યું હતું.તેના શેરની ફેસવેલ્યૂ ~2 છે.એચડીએફસીનો સ્ટેન્ડઅલોન પ્રોફિટ માર્ચના ક્વારટરમાં 22 ટકા ઘટીને ~2232.55 કરોડ થયો હતો,જે ગત વર્ષે આ ગાળામાં ~2861.58 કરોડ હતો.નેટ ઈન્ટરેસ્ટ ઈન્કમ વધીને ~3780 કરોડ થઈ હતી,જે ગત વર્ષે આ ગાળામાં ~3161 કરોડ હતી.
સમગ્ર વર્ષ 2019-20માં એચડીએફસીનો સ્ટેન્ડઅલોન ચોખ્ખો નફો બમણો થઈને ~17,769.65 કરોડ થઈ ગયો હતો,જે ગત વર્ષે આ ગાળામાં ~ 9,632.46 કરોડ હતો.જોકે કંપનીએ આ સાથે સ્પષ્ટતા કરી હતી કે ગયા વર્ષના આ ક્વાર્ટરના પરિણામ સાથે સીધી સરખામણી કરી શકાય નહીં કારણ કે આ વખતે કોવિડ-19ની અસરને કારણે ~5913 કરોડની વધારાની જોગવાઈ કરવામાં આવી છે, જે ગત વર્ષે આ ગાળામાં ~935 કરોડ હતી.કંપનીની ગ્રોસ એનપીએ ~8908 રોડ થઈ હતી,જે કુલ લોન પોર્ટફોલિયોના 1.99 ટકા હતી.નેશનલ હાઉસિંગ બેન્કના નિયમ અનુસાર કંપનીએ ~4188 કરોડની જોગવાઈ કરવી જરૂરી છે તેમ તેણે કહ્યું હતું.
