નવી દિલ્હી : તા.27 જૂન 2022 સોમવારે : આયર્લેન્ડ સામે રવિવારે ડબલિનમાં રમાયેલી ટી20 મેચમાં ભારતે આયર્લેન્ડને 7 વિકેટથી હરાવીને બે મેચની સિરીઝની મેચમાં 1-0 થી આગળનુ સ્થાન પ્રાપ્ત કરી લીધુ છે.વરસાદના કારણે 12-12 ઓવરના નિર્ધારિત થયેલી મેચમાં દીપક હુડ્ડા અને ઈશાન કિશનની નવી ભારતીય ઓપનિંગ જોડીએ 2.3 ઓવરોમાં જ 30 રન જોડીને સારી શરૂઆત આપી,પરંતુ અહીંથી ઈશાન અને સૂર્યકુમાર તરીકે ભારતને સતત બે ઝટકા લાગ્યા,પરંતુ આ સ્થિતિ દીપક હુડ્ડા અને કેપ્ટન હાર્દિક પંડ્યાએ ઝડપી બેટિંગ કરી.
જોકે હાર્દિક આઉટ થઈ ગયા પરંતુ તે ભારતની જીતને સરળ બનાવી ચૂક્યા હતા,જે બાદમાં દીપક હુડ્ડાએ પોતાના પ્રહારોથી વધુ સરળ બનાવી દીધુ.ભારતે જીતના 109 રનના લક્ષ્યને 16 બોલ અને 7 વિકેટ બાકી રહેતા પ્રાપ્ત કરી લીધી.યુઝવેન્દ્ર ચહલને પ્લેયર ઓફ ધ મેચ પસંદ કરવામાં આવ્યા.અગાઉ આયર્લેન્ડએ 12 ઓવરમાં 4 વિકેટ પર 108 રન બનાવ્યા.આયર્લેન્ડ તરફથી હેરી ટેક્ટરે 33 બોલ પર 64 રનની ઈનિંગ રમી.ભારતના બોલરોએ યોગ્ય લાઈન અને લેંથની સાથે બોલિંગ કરી.ભુવી,હાર્દિક પંડ્યા અને આવેશ ખાનને 1-1 વિકેટ મળી.પોતાની પહેલી મેચ રમી રહેલા ઉમરાન મલિકે 1 ઓવરમાં 14 રન બનાવ્યા.ઉમરાન ખૂબ નવર્સ જોવા મળ્યા અને દેશની જર્સીનુ દબાણ તેમની બોલિંગ સ્પષ્ટ જોવા મળ્યુ.
