લગ્નનો NRI ને કંઈક એવો શોખ ચઢ્યો છે કે,તેણે એક-બે નહી,પરંતુ ચાર લગ્ન કરી લીધા.આ વખતે પાંચમાં લગ્ન કરવાની તૈયારી કરી રહ્યો હતો,તે પહેલા જ ચોથી પત્નીની ફરિયાદ પર પોલીસે તેની ધરપકડ કરી લીધી.પોલીસે પીડિત મહિલા દ્વારા આપવામાં આવેલી માહિતી પ્રમાણે આરોપીની વિરુદ્ધ કાર્યવાહી શરૂ કરી દીધી છે.
નરેશ કુમારની વિરુદ્ધ તપાસ શરૂ
હરિયાણાના રોહતક નિવાસી NRI નરેશ કુમાર અમેરિકામાં રહે છે.જણાવવામાં આવ્યુ છે કે, ત્રણ મહિના પહેલા ટોહના પોલીસ સ્ટેશનમાં નરેશ કુમારની વિરુદ્ધ FRI દાખલ કરાવવામાં આવી છે. ફરિયાદકર્તા મહિલાએ ખુદને નરેશ કુમારની ચોથી પત્ની જણાવી.તેણીએ જણાવ્યુ કે,આ પહેલા નરેશ કુમાર ત્રણ લગ્ન કરી ચૂક્યા છે અને હવે પાંચમાં લગ્ન કરવા માગે છે.પીડિતાની ફરીયાદ પર પોલીસે આરોપી પતિ નરેશ કુમારની વિરુદ્ધ તપાસ શરૂ કરી દીધી છે.હાલમાં જ્યારે નરેશ કુમાર અમેરિકાથી આવ્યા તો ટોહના પોલીસ સ્ટેશને રોહતકથી તેમની ધરપકડ કરી લીધી.આરોપી NRI ને પોલીસ ટોહના લઈ આવી છે.જ્યાંર તેમની પૂછપરછ કરવામાં આવી રહી છે.
વધુ પૈસાની માગ કરવા લાગ્યો
પીડિત મહિલા સ્વીટીએ આરોપ લગાવ્યો છે કે,તેના લગ્ન છેલ્લા વર્ષે થયા હતા.લગ્નના 1 મહીના બાદ જ તેનો પતિ અમેરિકા ચાલ્યો ગયો હતો.આ દરમિયાન તેણીના બધા ઘરેણા પણ પોતાની સાથે લઈ ગયો હતો.ત્યારબાદ તે પત્ની પાસે વધુ પૈસાની માગ કરવા લાગ્યો.જ્યારે પત્નીએ રકમ આપવામાં અસમર્થતા દર્શાવી તો તેનો ફોન ઉપાડવાનું બંધ કરી દીધુ.ત્યારબાદ તેને કોઈ પ્રકારે સૂચના મળી હતી કે,તેનો પતિ પાંચમાં લગ્ન કરવાની તૈયારી કરી રહ્યો છે. ત્યારબાદ તેણે પોલીસમાં ફરીયાદ કરી.
આરોપી પહેલા જ ત્રણ લગ્ન કરી ચૂક્યો
આ કેસમાં ટોહાનાના DSP બિરમ સિંહે જણાવ્યુ કે,પીડિત મહિલાની ફરિયાદ પર NRI નરેશ કુમારની રોહતકથી ધરપકડ કરી લેવામાં આવી છે.આ સમગ્ર કેસની તપાસ કરવામાં આવી રહી છે.પીડિતા દ્વારા જણાવવામાં આવ્યું છે કે,આરોપી પહેલા જ ત્રણ લગ્ન કરી ચૂક્યો છે.પીડિતા તેની ચોથી પત્ની છે અને હવે તે પાંચમાં લગ્ન કરવાની તૈયારીમાં હતો.
