નવી દિલ્હી : જાહેર ક્ષેત્રની પંજાબ નેશનલ બેંક (પીએનબી)ને ફરી એકવાર લોન કૌભાંડનો સામનો કરવો પડ્યો છે.બેંકે દિવાન હાઉસિંગ ફાઇનાન્સ લિ. (DHFL) ને અપાયેલી 3,688.58 કરોડની લોન છેતરપિંડી જાહેર કરી છે.આ પહેલા નીરવ મોદી અને મેહુલ ચોક્સીએ બેંકને 14 હજાર કરોડ રૂપિયાથી વધુની લૂંટ કરી છે.
બેંકે 9 જુલાઈ, ગુરુવારે કહ્યું કે તેણે દિવાન હાઉસિંગ ફાઇનાન્સ લિ. (ડીએચએફએલ) એ એનપીએ (નોન-પરફોર્મિંગ એસેટ) ખાતામાં 3,688.58 કરોડ રૂપિયાની છેતરપિંડી અંગે આરબીઆઈને માહિતી આપી છે.ડીએચએફએલ ત્યારે ચર્ચામાં આવી જ્યારે એક અહેવાલમાં કહેવામાં આવ્યું કે તેણે અનેક મોહરા કંપનીઓ દ્વારા રૂ. 97,000 કરોડની બેંક લોનમાંથી કથિત રીતે 31,000 કરોડ રૂપિયાની હેરાફેરી કરી છે.
