4 માર્ચ, શુક્રવાર અમદાવાદ : યુરોપ અને યુક્રેનના સૌથી મોટા ન્યુક્લિયર પાવર પ્લાન્ટ પર હુમલો કરીને રશિયાએ કબ્જે કરતા હવે સમગ્ર યુક્રેનમાં અરાજકતાનો માહોલ સર્જાયો છે.આસપાસ રેડિયેશન લેવલ વધતા રશિયા અને સમગ્ર વિશ્વ વચ્ચે અજંપાની સ્થિતિ ફરી પેદા થઈ છે.આ અહેવાલ બાદ અમેરિકન બજારોમાં કડાકો જોવા મળ્યો હતો અને સપ્તાહના અંતિમ દિવસના શરૂઆતી સત્રમાં પણ ભારતીય બજારમાં કડાકો જોવા મળ્યો છે.
એસ એન્ડ પી બીએસઈ સેન્સેકસ 1200થી વધુ અંકોના કડાકે 54,000ના લેવલની નીચે સર્કયો છે.નિફટી 50 ઈન્ડેકસ પણ 350 અંક,2.12%ના કડાકે 16,150ના સ્તરે કામકાજ કરી રહ્યું છે.બેંક નિફટી ઈન્ડેકસમાં 2.25%નું ગાબડું જોવા મળી રહ્યું છે. 800 અંકોના કડાકે ઈન્ડેકસ 35,150ના સ્તરે ટ્રેડ કરી રહ્યું છે.
આજે પણ બજારને નીચે ધકેલવાનું કામ રિલાયન્સની સાથે બંને એચડીએફસી બંધુઓ કરી રહ્યાં છે.સામે પક્ષે ITC અને ફાર્મા સામાન્ય સપોર્ટ પ્રદાન કરી રહ્યાં છે.
બીએસઈમાં સમાવિષ્ટ 30માંથી માત્ર 4 શેર જ પોઝીટીવ ઝોનમાં છે.ITC ટાટા સ્ટીલ સન ફાર્મા અને ડો રેડ્ડીને છોડીને તમામ ઈન્ડેકસના 26 શેર નેગેટીવ ઝોનમાં કારોબાર કરી રહ્યાં છે.
બ્રોડર માર્કેટ તરફ નજર કરીએ તો બીએસઈ ખાતે 2172 શેર ઘટીને તો 903 શેર વધીને ટ્રેડ કરી રહ્યાં છે. 118 શેરમાં કોઈ ફેરફાર નથી જોવા મળી રહ્યો.શરૂઆતી સેશનમાં 182 શેરમાં લોઅર સર્કિટ તો 205 શેરમાં અપર સર્કિટ છે અને 67-68 શેર અનુક્રમે 52 સપ્તાહની ટોચે અને તળિયે છે.
જાપાન નીકાઈ ૨.૩ ટકા ઘટી ગયા છે અને ૧૦૯ ડોલર થયેલું ક્રૂડ ફરી વધવું શરૂ થયું છે.હોંગ કોંગમાં બજાર ૨ ટકા બે કોરિયામાં ૧.૩ ટકા જેટલા ઘટી ગયા છે
