– કંપનીએ પૂરા થયેલા વર્ષનું આખરી ~6 ડિવિડંડની ભલામણ કરી હતી
મુંબઈ,
દેશની સૌથી મોટી આઇટી કંપની ટીસીએસનો નફો માર્ચ 2020ને અંતે સાધારણ ઘટીને ~8,049 કરોડનો થયો હતો જે આગલા વર્ષના સમાન ગાળામાં ~8,126 કરોડ હતો.આ ગાળામાં રેવેન્યૂ 5.1 ટકા વધીને ~39,946 કરોડની થઈ હતી જે આગલા વર્ષના સમાન ગાળામાં ~38,010 કરોડ હતી.કંપનીનો સંપૂર્ણ વર્ષ દરમિયાન નફો 2.7 ટકા વધીને ~32,340 કરોડ હતો અને રેવેન્યૂ 7.1 ટકા વધીને ~1,56,949 કરોડની થઈ હતી.
કંપનીના સીઇઓ રાજેશ ગોપીનાથને જણાવ્યું હતું કે,કોરોનાને કારણે સર્જાયેલી અસાધારણ પરિસ્થિતિને કારણે પ્રથમ અર્ધવાર્ષિક ગાળાના ત્રિમાસિક સમયની અમારા કેટલાક સેગમેન્ટની કામગીરીના પોઝિટીવ મોમેન્ટમને સંપૂર્ણપણે બદલી નાંખી છે.પોઝિટીવ બાબત એ છે કે ત્રિમાસિક ગાળામાં કંપનીએ કેટલાક નવા મજબૂત સોદા કર્યા હતા અને કંપનીએ જ્યારથી સેગમેન્ટવાઇસ કામગીરીનું રિપોર્ટિંગ શરૂ કર્યું છે ત્યારથી અત્યાર સુધીમાં સૌથી મોટા ઓર્ડર બુક કર્યા હતા.કંપનીએ પૂરા થયેલા વર્ષનું આખરી ~6 ડિવિડંડની ભલામણ કરી હતી.
