નવી દિલ્હી, તા. 28 ફેબ્રુઆરી, 2022, સોમવાર : રશિયા અને યુક્રેન વચ્ચેના યુદ્ધનો આજે સોમવારે 5મો દિવસ છે.યુક્રેનની રાજધાની કીવ અને ખારકીવ શહેર પર રશિયન સેનાનો હુમલો ચાલુ છે.આ તરફ યુક્રેનના રાષ્ટ્રપતિ વ્લોદિમીર ઝેલેન્સ્કીએ એવો દાવો કર્યો છે કે,રશિયાએ તેમની હત્યા કરવા માટે કીવમાં 400થી પણ વધારે ભાડુતી હત્યારાઓ મોકલ્યા છે.
લાત્વિયાની મહત્વની જાહેરાત
યુદ્ધ વચ્ચે યુરોપના દેશ લાત્વિયા (Latvia)ની સંસદે એક મહત્વનો પ્રસ્તાવ પાસ કર્યો છે.તેમાં કહેવામાં આવ્યું છે કે,જો લાત્વિયાના સામાન્ય લોકો યુક્રેનમાં જઈને લડવા ઈચ્છે છે તો જઈ શકે છે.
ઉલ્લેખનીય છે કે,લાત્વિયા નાટો (NATO)નું સદસ્ય છે જેના વિરૂદ્ધ રશિયાએ આ યુદ્ધ છેડ્યું છે.
યુક્રેન પહોંચી અમેરિકી મદદ?
યુદ્ધ વચ્ચે યુક્રેનને અમેરિકાની મદદ મળવાની શરૂ થઈ ગઈ હોવાનું લાગી રહ્યું છે.હકીકતે રશિયન સેનાએ Mariupolથી યુએસ મેડ એન્ટી ટેન્ક મિસાઈલ લોન્ચર જપ્ત કર્યા છે.
