– યુએસ કોર્ટે સેવ જોબ્સ USA દ્વારા દાખલ કરાયેલી અરજીને ફગાવી દીધી
– આ અરજીનો એમેઝોન,એપલ,ગૂગલ અને માઇક્રોસોફ્ટ જેવી ટેક કંપનીઓએ વિરોધ કર્યો હતો
અમદાવાદ, 30 માર્ચ 2023, ગુરુવાર : અમેરિકામાં કામ કરતા વિદેશી કર્મચારીઓ માટે સારા સમાચાર છે.અમેરિકી કોર્ટે સ્પષ્ટ કર્યું છે કે જો કોઈની પાસે H-1B વિઝા છે તો તેના જીવનસાથીને અમેરિકામાં કામ કરવાની છૂટ છે.યુએસ ડિસ્ટ્રિક્ટ જજ તાન્યા ચુટકને સેવ જોબ્સ USA દ્વારા દાખલ કરાયેલી અરજીને ફગાવી દીધી છે.
રોજગાર અધિકૃતતા કાર્ડ ન આપવા કોર્ટમાં અરજી કરી હતી
આ અરજીમાં ઓબામાના કાર્યકાળમાં H-1B વિઝા ધારકોની અમુક શ્રેણીના જીવનસાથીઓને રોજગાર અધિકૃતતા કાર્ડ આપવાના નિયમોને નામંજૂર કરવા માટે કોર્ટનો સંપર્ક કરવામાં આવ્યો હતો.આ અરજીનો એમેઝોન, એપલ, ગૂગલ અને માઇક્રોસોફ્ટ જેવી ટેક કંપનીઓએ વિરોધ કર્યો હતો.યુએસએ અત્યાર સુધીમાં લગભગ એક લાખથી વધુ H-1B કર્મચારીઓના જીવનસાથીઓને કામનો અધિકાર જાહેર કર્યા છે જેમાંથી મોટી સંખ્યામાં ભારતીયો છે.
ન્યાયમૂર્તિ ચુટકે તેમના આદેશમાં નોંધ્યું હતું કે સેવ જોબ્સ યુએસએની પ્રાથમિક દલીલ એ છે કે કોંગ્રેસે વિદેશી નાગરિકો જેવા કે H-4 વિઝા ધારકોને યુનાઇટેડ સ્ટેટ્સમાં કામ કરવાની મંજૂરી આપવા માટે ડિપાર્ટમેન્ટ ઓફ હોમલેન્ડ સિક્યુરિટી ઓથોરિટી આપી નથી.ન્યાયાધીશે તેમના આદેશમાં સ્પષ્ટતા કરી છે કે કોંગ્રેસે સ્પષ્ટપણે અને ઇરાદાપૂર્વક યુએસ સરકારને H-4 જીવનસાથીના યુનાઇટેડ સ્ટેટ્સમાં રહેવાની અનુમતિપાત્ર શરત તરીકે રોજગાર અધિકૃત કરવામાં આવે.
ચુકાદાની પ્રશંસા કરવામાં આવી
ઇમિગ્રન્ટના એડવોકેટ અને અગ્રણી સમુદાયના નેતા અજય ભુટોરિયાએ કોર્ટના નિર્ણયને આવકાર્યો હતો.તેમણે કહ્યું કે H-1B વિઝા પ્રોગ્રામ કુશળ વિદેશી કર્મચારીઓને યુનાઇટેડ સ્ટેટ્સમાં આવવા અને અમેરિકન કંપનીઓ માટે કામ કરવાની મંજૂરી આપવા માટે રચાયેલ છે.અત્યાર સુધી H-1B જીવનસાથીઓને કામ કરવાની મંજૂરી ન હતી જે ઘણીવાર પરિવારો પર નોંધપાત્ર નાણાકીય બોજ બનતી હતી.
