નવી દિલ્હી : અમેરિકાના ન્યાય વિભાગ અને ફેડરલ બ્યુરો ઓફ ઇન્વેસ્ટિગેશન (FBI) ના વરિષ્ઠ અધિકારીઓએ આ સપ્તાહે દિલ્હીમાં તેમના સેન્ટ્રલ બ્યુરો ઓફ ઇન્વેસ્ટિગેશન (CBI) સમકક્ષો સાથે એક બેઠક યોજી હતી.જેથી કાયદા અમલીકરણ સહકારને વધુ મજબૂત બનાવી શકાય.
યુએસ ડિપાર્ટમેન્ટ ઓફ જસ્ટિસ સિવિલ ડિવિઝનની ગ્રાહક સુરક્ષા શાખાના ડેપ્યુટી આસિસ્ટન્ટ એટર્ની જનરલ અરુણ જી રાવ અને એફબીઆઈના અધિકારીઓએ ભારતની અગ્રણી તપાસ એજન્સીના કર્મચારીઓ સાથે વાતચીત કરી હતી.
યુએસ ડિપાર્ટમેન્ટ ઓફ જસ્ટિસ દ્વારા બહાર પાડવામાં આવેલા નિવેદનમાં કહેવામાં આવ્યું છે કે ટોચના અધિકારીઓએ વધતી જતી ટેલિમાર્કેટિંગ છેતરપિંડી સામે લડવા સહિત ઉભરતા ગુનાના વલણો સામે લડવા માટે ચર્ચા કરી હતી.
તેઓએ વધુમાં જણાવ્યું હતું કે સાયબર-સક્ષમ નાણાકીય છેતરપિંડી,ટેલિમાર્કેટિંગ છેતરપિંડીની તપાસ અને કેસ ચલાવવાના પ્રયત્નો પર ગુનાનો સામનો કરવામાં સહકારને મજબૂત કરવા માટે તેઓએ તેમની સહિયારી પ્રતિબદ્ધતાની પુષ્ટિ કરી.
ટીમોએ ઝડપી માહિતી વિનિમય અને પુરાવા વહેંચણી દ્વારા ઉભરતા ટેકનોલોજી આધારિત ગુનાઓનો સામનો કરવામાં સતત સહયોગની જરૂરિયાત અંગે પણ ચર્ચા કરી હતી,જેથી બંને અધિકારક્ષેત્રના નાગરિકોની સલામતી સુનિશ્ચિત કરી શકાય.
