આઈટી કંપનીએ વિપ્રોએ શેર બાયબેકની જાહેરાત કરી છે.મંગળવારે કંપનીએ કહ્યું છે કે તેની 9,500 કરોડ રૂપિયા સુધીની શેર બાયબેક ઓફર 29 ડિસેમ્બરે ખુલશે અને 11 જાન્યુઆરી, 2021 ના રોજ બંધ થશે.આ બાયબેક માટે ગયા મહિને કંપનીએ શેરહોલ્ડરો પાસેથી મંજૂરી મેળવી લીધી છે.યોજના મુજબ કંપની વધુમાં વધુ 23.75 કરોડ શેર 400 રૂપિયા પ્રતિ શેરના દરે ખરીદશે જે પાછળ કંપની 9,500 કરોડ રૂપિયા સુધી ખર્ચ કરશે.
એક્સચેન્જમાં અપાયેલી માહિતી અનુસાર બાયબેક યોજનાને ભારતીય સિક્યોરિટીઝ એન્ડ એક્સચેંજ બોર્ડ SEBI દ્વારા સોમવારે 21 ડિસેમ્બરના રોજ મંજૂરી આપવામાં આવી હતી.કંપની શેરહોલ્ડરોને ઓફર લેટર મોકલશે.બાયબેકમાં ભાગ લેવા માટે શેરહોલ્ડરોની યોગ્યતા નક્કી કરવા માટે કંપનીએ 11 ડિસેમ્બરની રેકોર્ડ તારીખ નક્કી કરી છે.
બિડ્સનું સેટલમેન્ટ 20 જાન્યુઆરી અથવા તે પહેલાં થશે
———————————————
સ્ટોક એક્સચેંજ પર બોલીનું સેટલમેન્ટ કરવાની છેલ્લી તારીખ 20 જાન્યુઆરી 2021 ના રોજ અથવા તે પહેલાંની રાખવામાં આવી શકે છે.વિપ્રોની હરીફ કંપની ટાટા કન્સલ્ટન્સી સર્વિસીસ (TCS) એ પણ શેર દીઠ રૂ. 3,000 ના દરે રૂ. 16,000 કરોડની બાયબેક યોજના દરખાસ્ત કરી છે.ટીસીએસની બાયબેક ઓફર 18 ડિસેમ્બરે ખુલી છે અને 1 જાન્યુઆરી 2021 ના રોજ બંધ થશે.
ગયા વર્ષે પણ વિપ્રો રૂ 10,500 કરોડનો બાયબેક કર્યું હતું
————————————————
ગયા વર્ષે વિપ્રોએ આશરે 10,500 કરોડ રૂપિયાનું બાયબેક કર્યું હતું,આ યોજના અંતર્ગત તેણે શેર દીઠ 325 રૂપિયાના દરે 32.31 કરોડ શેર ખરીદવાની જાહેરાત કરી હતી. 2017 માં, વિપ્રોએ 11,000 કરોડ રૂપિયાના બાયબેક પ્રોગ્રામની જાહેરાત કરી અને 2016 માં 2,500 કરોડનું બાયબેક કર્યું હતું
