નાઇઝર સેનાની આતંકી વિરૂદ્ધ કાર્યવાહી, ૧૨૦ આતંકી ઢેર

નિયામે,તા.૨૨
નાઇઝિરીયા અને ફ્રાંસની સેનાના એક સંયુક્ત અભિયાનમાં દક્ષિણ પશ્ચિમ નાઇઝરમાં ૧૨૦ આતંકવાદીને ઢેર કર્યા હતા. આ સમગ્ર અભિયાન દરમિયાન આતંકીઓ પાસેથી મુદ્દામાલ તરીકે ઉપકરણ અને વાહન ઝપ્ત કર્યા છે. નાઇઝિરીયાના રક્ષા પ્રધાને એક નિવેદન આપતા આ સમગ્ર માહિતી આપી હતી.
આ તકે રક્ષા પ્રધાને નિવેદનમાં જણાવ્યું હતું કે, ૨૦ ફેબ્રુઆરીના રોજ માલી અને બુર્કિના ફાસોની સીમા પાસે ટિલાબેરી વિસ્તારમાં ૧૨૦ આતંકવાદી માર્યા ગયા હતાં. આ સમગ્ર કાર્યવાહી દરમિયાન નાઇઝિરીયા તથા ફ્રાંસની સેનાના કોઇ પણ સૈનિક ઘાયલ થયા નથી.
આ સંગઠન સ્કૂલના વિદ્યાર્થીઓ, યુવા મહિલાઓ અને પુરૂષોના અપહરણ કરી અને અનેક વિસ્તારમાં આત્મઘાતી હુમલો કરવામાં તેનો ઉપયોગ કરતું હતું.