બારડોલી : 31 મી ડિસેમ્બરની ઉજવણીને લઈ પોલીસ દ્વારા ઠેર ઠેર વાહન ચેકીંગ અને રેડ કરી વિદેશી દારૂનો જથ્થો ઝડપી પાડવામાં આવી રહ્યો છે.ત્યારે સુરત જિલ્લાની કડોદરા પોલીસે નિયોલ ગામની સીમમાં રેડ કરી કારમાં કારટીંગ કરાયેલ 2.10 લાખના વિદેશીદારૂના જથ્થા સાથે 1 ની અટક કરવામાં આવી છે.જ્યારે 2 ને વોન્ટેડ જાહેર કરવામાં આવ્યા છે.
કડોદરા જી.આઈ.ડી.સી પોલીસ મથકના પો.ઇ આર.એસ.પટેલ અને પો.કો વિક્રમભાઈ ગંધુભાઈનાઓને બાતમી મળી હતી.કે નિયોલ ગામની સીમમાં સાકરીયા ફાર્મની સામે કડોદરા સુરત કેનલ રોડ ઉપર સિયાઝ કાર નં. GJ-16-BN-6672 માં વિદેશીદારૂનો જથ્થો કારટીંગ થઈ રહ્યો છે.જે ચોક્કસ બાતમી આધારે પોલીસે રેડ કરી કારમાંથી વિદેશીદારૂની બોટલો નંગ 1,680 જેની કિંમત રૂપિયા 2,10,000/- તેમજ કાર અને મોબાઈલ ફોન મળી કુલ 5,15,000/- નો મુદ્દામાલ કબ્જે કરવામાં આવ્યો છે.પોલીસે દિપક જશવંતભાઈ પાટીલની અટક કરી વૈભવ ધનસુખભાઈ જવાળે અને વિદેશીદારૂનો જથ્થો સપ્લાય કરનાર અજાણ્યા ઇસમને વોન્ટેડ જાહેર કરી વધુ કાયદેસરની કાર્યવાહી હાથ ધરી છે.
