નવી દિલ્હી : કેન્દ્ર સરકારે મંગળવારે 20 રાજ્યોને જીએસટી ક્લેક્શનમાંમાં આવેલ ઘટાડાની ભરપાઇ કરવા માટે ખુલ્લા બજારમાંથી 68,825 કરોડ રૂપિયાનું દેવુ કરવાની મંજૂરી આપી છે. ઉલ્લેખનિય છે કે,જીએસટા કાઉન્સિલની સોમવારની બેઠકમાં આગામી સમયમાં જીએસટી ક્લેક્શનમાં પડેલા ઘટને સરભર કરવા માટે કેન્દ્ર સરકારે રાજ્યોને ઋણ એક્ત્ર કરવા માટેના પ્રસ્તાવ પણ કોઇ સર્વસહમતિ બની શકી ન હતી.ત્યારબાદ પછીના દિવસે આ નિર્ણય લેવાયો છે. ચાલુ નાણાકીય વર્ષ દરમિયાન જીએસટી આવકમાં 2.35 લાખ કરોડ રૂપિયાની ઘટ પડવાનો અંદાજ છે.
કેન્દ્ર સરકારે ઓગસ્ટમાં રાજ્યોને બે વિકલ્પો આપ્યા હતા.જેમાં આરબીઆઈ દ્વારા આપવામાં આવેલી સ્પેશિયલ વિંડોમાંથી 97,૦૦૦ કરોડ રૂપિયા ઉધાર લેવા અથવા બજારમાંથી રૂ. 2.35 લાખ કરોડ એક્ત્ર કરવાનો પ્રસ્તાવ મૂક્યો હતો.જો કે કોંગ્રસ સહિતના અન્ય વિપક્ષોની સરકાર ધરાવતા રાજ્યોએ કેન્દ્ર સરકારના આ બંને પ્રસ્તાવ ફગાવી દીધા હતા.
આજે જારી કરાયેલા સત્તાવાર નિવેદનમાં જણાવાયુ છે કે,નાણાં મંત્રાલયના ખર્ચ વિભાગે,20 રાજ્યોને ખુલ્લા બજાર માંથી 68,825 કરોડ રૂપિયાની વધારાની રકમ એકત્રિત કરવાની મંજૂરી આપી છે. “જે રાજ્યોએ નાણાં મંત્રાલયે સૂચવેલા બે વિકલ્પોમાંથી વિકલ્પ -1 નો વિકલ્પ પસંદ કર્યો છે તેવા રાજ્યોને કુલ રાજ્ય ઘરેલું ઉત્પાદન (જીએસડીપી) ના 0.50 ટકાના દરે વધારાનું ભંડોળ એક્ત્ર કરવાની મંજૂરી આપવામાં આવી છે. એવું જણાવ્યુ હતું.
ગઇકાલે જીએસટી કાઉન્સિલની બેઠકમાં જે 20 રાજ્યોએ કેન્દ્રે સુચવેલા વિકલ્પ-1ની પસંદગી કરી હતી, જેમાં આંધ્રપ્રદેશ, અરુણાચલ પ્રદેશ, આસામ, બિહાર, ગોવા, ગુજરાત, હરિયાણા, હિમાચલ પ્રદેશ, કર્ણાટક, મધ્યપ્રદેશ, મહારાષ્ટ્ર, મણિપુર, મેઘાલય, મિઝોરમ, નાગાલેન્ડ, ઓડિશા, સિક્કિમ, ત્રિપુરા, ઉત્તર પ્રદેશ અને ઉત્તરાખંડનો સમાવેશ થાય છે.જ્યારે આઠ જેટલા રાજ્યોએ કેન્દ્રે સુચવેલા હજુ સુધી એક પણ વિકલ્પની પસંદગી કરી નથી.
