ટ્રમ્પ-મોદીના પ્રવેશ પહેલાં સ્ટેડિયમનો ગેટ નં-૩ ધરાશાયી

અમદાવાદ,તા.૨૩
આવતી કાલે અમેરિકાનાં રાષ્ટ્રપ્રમુખ ડોનાલ્ડ ટ્રમ્પ ‘નમસ્તે ટ્રમ્પ’ કાર્યક્રમ માટે મોટેરા સ્ટેડિયમમાં આવી રહ્યાં છે. ત્યારે આજે સવારે મોટેરા સ્ટેડિયમનો ગેટ નંબર ૩ ધરાશાયી થયો છે. મહત્વનું છે કે, ડોનાલ્ડ ટ્રમ્પ જે ગેટ પરથી પસાર થવાના હતા તે જ ગેટ આજે સવારે ભારે પવનનાં કારણે પડયો હતો.
જોકે, આ આ ગેટ પડયાની ઘટાનામાં કોઇ જાનહાનીનાં સમાચાર મળી નથી રહ્યાં. મહત્વનું છે કે, અમિત શાહ થોડા જ સમયમાં અમદાવાદ આવવાનાં છે ત્યારે અચાનક ગેટ પડતા અધિકારીઓમાં દોડાદોડી મચી જવા પામી છે. આ ઉપરાંત મોટેરા સ્ટેડિયમમાં પબ્લિક માટે પ્રવેશ કરવા માટેના મુખ્ય ગેટ પાસે એક મોટું હોડીગ લગાવવામાં આવ્યું હતું આ હોર્િંડગ પણ અચાનક આજે સવારે ધરાશાયી થયું હતું.