– શાળાની માન્યતા રદ ન કરવા સંચાલક પાસે 10 લાખની લાંચ માંગી હતી
તાપી : તાપી જિલ્લા ખાતે જિલ્લા પ્રાથમિક શિક્ષણ અધિકારી અને ઇન્ચાર્જ તાપી જિલ્લા શિક્ષણ અધિકારી ભરતપટેલે વ્યારાના વીરપુર ગામ ખાતે આવેલી વિધાકુંજ શાળાની માન્યતા રદ નહિ કરવા 10 લાખ ના લાંચ ની ડીમાન્ડ માગી હતી.જે એસીબીએ ગોઠવેલા છટકાની ગંધ આવી જતા જિલ્લા શિક્ષણ અધિકારી બી.એમ. પટેલ વતી પૈસા લેવા ગયેલ કલાર્ક પેસા લીધા વગર ભાગી ગયા હતા.જેમાં શિક્ષણ અધકારી અને કલાર્ક ની અટક કરાઈ હતી.જે બાદ તેમની હિંમતનગર બદલી કરાઈ હતી. અને હાલ તેને ફરજ મોકૂફ કરાયા છે.
ગત ઓક્ટોબરમાં તાપી જીલ્લાના વ્યારા ખાતે એક ટ્રસ્ટ સંચાલિત વિદ્યાલયમાં જિલ્લા પ્રાથમિક શિક્ષણ અધિકારી અને ઇન્ચાર્જ જિલ્લા શિક્ષણ અધિકારી ભરત મંગળભાઇ પટેલ આકસ્મિક મુલાકાત લઇ ઇન્સ્પેકશનમાં મુદ્દાઓની પુર્તતા માટે શાળાને નોટિસ આપી હતી.જે મુદ્દાઓની પુર્તતા શાળા તરફથી કરાતા ફરીથી અમુક મુદ્દાઓની પુર્તતા સાથે ફરીથી નોટિસ શાળાના આચાર્યને મોકલવામાં આવી હતી.આ બાબતે આચાર્યએ રૂબરૂમાં શિક્ષણાધિકારીની મુલાકાત કરી પુર્તતા અંગે ખુલાસો કરતા નોટિસ અંગેની કાર્યવાહી દફતરે કરવા રૂપિયા 10 લાખની લાંચની માંગણી કરી હતી.જે માંગણી મુજબ ભરત પટેલે એ કલાર્ક ને રકમ લેવા મોકલી આપ્યા હતા.બીજી તરફ ACBના એ છટકા ગોઠવેલું હોવાની જાણ થતા લાંચની રકમ સ્વીકારી ન હતી.
લાંચના છટકા દરમિયાન એકત્રીત થયેલ પુરાવામાં શિક્ષણાધિકારી અને રવિન્દ્રકમાર એકબીજાની મદદગારીમાં 10 લાખની લાંચની માંગણી કરેલ હોવાથી બન્ને આરોપી વિરૂધ્ધમાં લાંચની માંગણીનો ગુનો દાખલ કરવામાં આવી ધરપકડ કરવામાં આવી હતી. આજરોજ લાંચ પ્રકરણમાં જિલ્લા શિક્ષણ અધિકારી બી.એમ.પટેલને જિલ્લા શિક્ષણ કચેરી કમિશનર ઓફ સ્કુલ ગાંધીનગર દ્વારા હિંમતનગર ખાતે બદલી અને ફરજમો કૂફનો ઓર્ડર કરી દેવાયો હતો.
ફરજ મોકૂફના ઓર્ડરની બજવણી કરી દેવાઇ
આ અંગે તાપી જિલ્લા ઈન્ચાર્જ ડી ઓ એમ સી. ભૂંસારાના સંપર્ક કરતાં તેમણે જણાવ્યું હતું કે લાંચ પ્રકરણમાં અટક કરાયેલા બી.એમ પટેલની બિમદ સસ્પેન્ડ (ફરજ મોકૂફી) બદલી અને ફરજ મોકૂફનો ઓર્ડર આવી ગયો છે.તેની બજવણી કરી દેવાઈ છે.
