દાહોદ થી આહવા જતી ST બસનું વઘઇ નજીક અંબિકા પુલ ઉપર જ ટાયર નીકળી જતાં મુસાફરોના જીવ તાડવે ચોંટયા હતા

સાપુતારા : દાહોદ થી ડાંગ જિલ્લાના આહવા ખાતે જતી એસટી બસનુ વઘઇ નજીક અંબિકા નદીના પુલ ઉપર સવારે લગભગ ૭ વાગ્યેના અરસામાં એસ.ટી બસનું ડ્રાઈવર સાઈડનું ટાયર નિકળવાની ઘટના બનતાં એસ.ટી તંત્રની ઘોર બેદરકારી સામે આવી છે.
દાહોદ થી આહવા તરફ જતી બસનો અંબિકા નદીના પુલ ઉપર અકસ્માત સર્જાતા અફરાતફરી મચી જવા પામી હતી .આ દુર્ઘટના થઈ ત્યારે બસમાં ૩૦ થી વધુ મુસાફરો સવાર હતા.જોકે સદનસીબે આ ઘટનામાં કોઈ જનહાનિ થઈ ન હતી મહત્વનું છે કે એસ.ટી દ્વારા સલામત સવારીના સ્લોગન આપવામાં આવે છે અને વારંવાર થતા એસ.ટી ના અકસ્માતથી એસ.ટી નું સ્લોગન માત્ર નામનું હોય તેવુ લાગી રહ્યુ છે.બસમાંથી ટાયર નીકળવાની ઘટનાને પગલે ડ્રાઇવરે પોતાની આગવી સુઝબુઝથી બસને કંટ્રોલમાં રાખીને રસ્તા પર ઉભી રાખી હતી.જો કે આ મામલાની પ્રાથમિક તપાસ હાથ ધરવામાં આવી રહી છે ઘટના બાદ બસમાંથી સલામત ઉતરેલા મુસાફરોએ હેમખેમ બસમાંથી બહાર નીકળતા હાશકારો અનુભવ્યો હતો ઘટનામાં સદનસીબે તમામ મુસાફરોનો બચાવ થયો હતો પરંતુ ઘટના એક ચિંતાજનક ધારણ કરી શકે તેમ હતી ઘટના માં ચિંતાજનક બાબત એ રહી હતી કે બસ નદીના પુલ ઉપરથી પસાર થઈ રહી ત્યારે ઘટના બની હતી બેકાબુ બસ પુલ ઉપરથી નદીમાં ખાબકી હોત તો મોટી હોનારતનો ભય વ્યક્ત કરાઈ રહ્યો છે.ગુજરાત રાજ્ય માર્ગ વાહન વ્યવહાર નિગમ સરકારી બસોની ગુણવત્તા માં સુધારા સાથે મુસાફરી સલામત અને આરામદાયક બનાવવાના દાવા કરે છે પણ હકીકત કંઈક અલગ જ સામે આવી હતી આ ઘટનામાં બસના ચાલકે વાહન ઉપર કાબૂ મેળવી લીધો હતો અને બસને સલામત ઉભી રાખવામાં સફળતા મેળવી હતી આ ઘટનાએ સરકારી તંત્ર ના દાવા પોકળ સાબિત કર્યા છે સદનસીબે અકસ્માતમાં મુસાફરોનો બચાવ થયો છે પણ આ અકસ્માત કેમ સર્જાયો તેની તપાસ થવી જરૂરી છે સાથે ઘટના સ્થળે ઉપસ્થિત રહેલ મુસાફરોએ પ્રશ્ર્નો ઉઠાવતાં જણાવ્યું હતું કે બસનું મેન્ટેનન્સ અને દેખરેખ ની નિયમિત કામગીરી થાય છે કે કેમ આવી ઘટનાઓ મુસાફરોના જીવ જોખમમાં મૂકે છે બસમાંથી ટાયર નીકળી જવા જેવી ઘટનાને ગંભીરતાથી લેવી જોઈએ અને બેદરકારો સામે પગલાં ભરવાની માંગ કરવામાં આવી હતી