– આજે ગત દિવસ કરતા કોરોનાના ઓછા કેસ નોંધાયા
– દેશમાં અત્યાર સુધીમાં ચાર કરોડથી વધુ લોકો કોરોનાથી સાજા થયા
આજે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર દેશમાં છેલ્લા 24 કલાકમાં કોરોનાના 9,355 નવા કેસ નોંધાયા છે.આ ઉપરાંત 26 નવા મૃત્યુ બાદ દેશમાં કોવિડને કારણે જીવ ગુમાવનારા લોકોની સંખ્યા વધીને 5,31,424 થઈ ગઈ છે.જો કે આજે ગત દિવસ કરતા કોરોનાના ઓછા કેસ નોંધાયા છે.
દેશમાં ચાર કરોડથી વધુ લોકો કોરોનાથી સાજા થયા
દેશમાં ગઈકાલે કોરોનાના 9,629 કેસ નોંધાયા હતા.આ સાથે કોરોનાથી 29 લોકોના મોત થયા હતા.આ મોતમાં એકલા કેરળના 10 દર્દીઓ સામેલ હતા.આજે જાહેર થયેલા આંકડા બાદ દેશમાં સક્રિય કેસની સંખ્યા વધીને 57,410 થઈ ગઈ છે.દૈનિક પોઝીટીવીટી દર 4.08 ટકા અને સાપ્તાહિક પોઝીટીવીટી દર 5.36 ટકા નોંધવામાં આવ્યો છે.દેશમાં અત્યાર સુધીમાં ચાર કરોડથી વધુ લોકો કોરોનાથી સાજા થયા છે.આ આંકડો વધીને 4,43,35,977 થઈ ગયો છે.અત્યાર સુધીમાં કોરોના રસીના કુલ 220,66,54,444 ડોઝ આપવામાં આવ્યા છે.જેમાં છેલ્લા 24 કલાકમાં 4,358 લોકોને રસી આપવામાં આવી હતી.આ ઉપરાંત કોવિડ કેસની કુલ સંખ્યા 4.49 કરોડ પર પહોંચી ગઈ છે.
દેશના કેટલાક રાજ્યોમાં કોરોનાની આ સ્થિતિ
રાજધાની દિલ્હીમાં અત્યાર સુધીમાં કુલ કોરોના કેસની સંખ્યા વધીને 20,36,196 થઈ ગઈ છે.આગલા દિવસે 1040 નવા કેસ નોંધાયા હતા.હાલમાં 4708 એક્ટિવ કેસ છે અને કુલ કેસની સંખ્યા વધીને 20,36,196 થઈ ગઈ છે.રાજસ્થાનમાં કોરોના વાયરસના કારણે વધુ ત્રણ લોકોના મોત થયા છે.આ ઉપરાંત એક દિવસમાં કોવિડ-19ના 498 નવા કેસ નોંધાયા છે.રાજસ્થાનના આરોગ્ય વિભાગ દ્વારા આ માહિતી આપવામાં આવી છે.દેશભરમાં 26 મૃત્યુના આંકડામાં એકલા કેરળમાં 6 મૃત્યુ નોંધાયા છે.આગલા દિવસે પણ કુલ 29 મૃત્યુમાંથી કેરળમાં 10 મૃત્યુ નોંધાયા હતા.છેલ્લા 24 કલાકમાં ઉત્તર પ્રદેશમાં 627 નવા કોવિડ કેસ નોંધાયા છે જેમાં બુલંદશહરમાં એક મૃત્યુ નોંધવામાં આવ્યું હતું.આરોગ્ય વિભાગના આંકડા મુજબ રાજ્યમાં પોઝીટીવીટી દર 1.63 ટકા છે.
