નવસારી : નવસારી શહેરના દરગાહ વાલા હોલ પાસે એક વ્યક્તિ પર અજાણ્યા ઇસમો હુમલો કરવામાં આવ્યો છે.આ સમગ્ર ઘટના સીસીટીવીમાં કેદ થવા પામી છે જેમાં યુવાન ગેટ પાસે બાઈક મૂકે છે અને તેના ઉપર એકાએક યુવાનો તૂટી પડે છે તે સમગ્ર ઘટના જોઈ શકાય છે.હુમલો કરાતા યુવાનને તાત્કાલિક ખાનગી હોસ્પિટલમાં સારવાર અર્થે ખસેડવામાં આવ્યો છે.જ્યાં સારવાર દરમ્યાન યુવક મોતને ભેટ્યો હતો જે બાબતે નવસારી પોલીસે અજાણ્યા હુમલાખોરો વિરુદ્ધ હત્યાનો ગુનો નોંધી આગળની કાર્યવાહી હાથ ધરી છે.
હુમલામાં ભોગ બનનાર શાહિદ લિયાકત બાપુ નામના વ્યક્તિ પર ધારદાર હથિયાર વડે હુમલાખોરો તૂટી પડ્યા હતા.લોહીલુહાણ થયેલા લિયાકત બાપુને સારવાર અર્થે નવસારીની ખાનગી હોસ્પિટલમાં ખસેડવામાં આવ્યો છે અને હાલમાં તેની સારવાર શરૂ કરવામાં આવી છે.હુમલાવરો પોતાનું કામ તમામ કરીને તાત્કાલિક ભાગી છૂટ્યા હતા.આજે સમગ્ર ઘટના છે એ જૂની અદાવતમાં થઈ હોવાનું માનવામાં આવી રહ્યું છે સમગ્ર ઘટનાને પગલે પોલીસ પણ દોડતી થઈ હતી અને સીસીટીવી અને અન્ય હ્યુમન ઇન્ટેલિજન્સની મદદ વડે હુમલાખોરોને ઝડપી પાડવાના ચક્ર ગતિમાન કરવામાં આવ્યા છે.
દરમ્યાન નવસારી પોલીસે જણાવ્યું હતું કે આ વ્યક્તિનું ખાનગી હોસ્પિટલમાં સારવાર દરમ્યાન મોત નીપજ્યું હતું જે બાબતે પોલીસે આઇપીસી 302 સહીત અન્ય કલમો જોડી હત્યાનો ગુનો નોંધ્યો છે અને હુમલાખોરોને શોધવા તજવીજ હાથ ધરી હોવાનું જાણવા મળ્યું છે.
