– આ અગાઉ અમૃતપાલ મુખ્ય સહયોગી જોગા સિંહની પોલીસે ધરપકડ કરી હતી
મોહાલી, તા. 18 એપ્રિલ 2023, મંગળવાર : ખાલિસ્તાની આતંકવાદી અમૃતપાલ સિંહ છેલ્લા એક મહિનાથી પોલીસ અને ગુપ્ત એજન્સીઓને ચકમો આપી રહ્યો છે.તેના લગભગ તમામ સાથીઓ પર સકંજો કસવામાં આવી ચૂક્યો છે.પોલીસ સૂત્રોનું કહેવું છે કે, પોલીસ અમૃતપાલની ખૂબ જ નજીક છે.આ વચ્ચે સોમવારે રાત્રે પંજાબ અને દિલ્હી પોલીસ અધિકારીઓએ મોહાલીમાં દરોડામાં એક મહિલા સહિત બે લોકોની અટકાયત કરવામા આવી હતી.આ બંને પર અમૃતપાલને છુપાવાનો ભાગવામાં મદદ કરવાનો આરોપ છે.
પંજાબ અને દિલ્હી પોલીસે સંયુક્ત ઓપરેશનમાં સોમવારે રાત્રે મોહાલીના સેક્ટર 88માં એક ઘરમાંથી બે કલાક સુધી સર્ચ ઓપરેશન હાથ ધર્યું હતું.ત્યારબાદ ગુરજંત સિંહ અને નિશા રાનીની અટકાયત કરવામાં આવી હતી.સૂત્રોએ જણાવ્યું કે બંને પર અમૃતપાલ સિંહને ભાગવામાં મદદ કરવાનો આરોપ છે.તેણે અમૃતપાલને અન્ય મદદ પણ કરી છે.જો કે, પોલીસ આ ઓપરેશન અંગે ચૂપ રહી હતી અને તેના પર કોઈ સત્તાવાર નિવેદન નથી આપ્યું.
આ પહેલા પંજાબ પોલીસે અમૃતપાલ સિંહને મોટો ઝટકો આપ્યો હતો.તેના મુખ્ય સહયોગી જોગા સિંહની પોલીસે ધરપકડ કરી હતી.આ ધરપકડ સરહિંદમાંથી કરવામાં આવી હતી.આ માહિતી ડીઆઈજી બોર્ડર રેન્જ નરિંદર ભાર્ગવે આપી હતી.
