અમદાવાદ : શહેરના સરદારનગર વિસ્તારમાં પિતરાઇ ભાઇએ જ બહેનની છેડતી કરી અને તેના મોબાઇલમાં પાડેલા કેટલાક ફોટા વાયરલ કરવાની ધમકી આપી હતી.આ મામલે પરિવારે પિતરાઇ ભાઇને સમજાવ્યો છતાં તે માનવા તૈયાર ન હતો.ઉપરાંત તેણે સગીર બહેનને ઉપાડી જઇ સમાજમાં બદમાન કરવાની તથા પરિવારને મારી નાખવાની ધમકી આપી હતી.જેથી આખોય મામલો સરદારનગર પોલીસ મથકમાં પહોંચ્યો હતો.જ્યાં આ મામલે પોલીસે પિતરાઇ ભાઇ સામે ફરિયાદ નોંધી વધુ તપાસ આદરી છે.
શહેરના સરદારનગર વિસ્તારમાં આવેલ કુબેરનગરમાં રહેતી 15 વર્ષની સગીરાના પિતાએ સરદારનગર પોલીસ સ્ટેશનમાં પોતાના ભત્રીજા સામે છેડતી,જાનથી મારી નાંખવાની ધમકી સહિતની કલમ હેઠળ ફરિયાદ નોધાવી છે.જેમાં તેમણે આક્ષેપ કર્યો છે કે,યુવકના માતા-પિતાનું અવસાન થયું હોવાથી તે અવાર નવાર કાકાના ઘરે આવતો હતો અને રોકાતો પણ હતો.એટલું જ નહીં એકલતાનો લાભ લઇને ફરિયાદીને 15 વર્ષની દીકરી સાથે શારીરિક અડપલાં કરીને શરીર સંબંધ બાંધવા દબાણ કરતો હતો.તેમજ પોતાના મોબાઇલમાં પાડેલા સગીરાના ફોટા વાયરલ કરીને સમાજમાં બદનામ કરવાની ધમકી આપતો હતો.
ગઇકાલે સગીરાના પિતા ધંધાના કામે બહાર ગયા હતા આ સમયે આરોપી ભત્રીજો ઘરે ગયો હતો અને કાકી સાથે તકરાર કરીને બિભત્સ ગાળો બોલતો હતો તેમજ સગીર બહેનને ઉપાડી જવાની તથા બદનામ કરવાની તેમજ પરિવારને મારી નાંખવાની ધમકી આપી હતી.જેથી કાકીએ આ મામલે તેમના પતિને વાત કરી હતી.ત્યારબાદ કાકાએ ભત્રીજા સાથે વાત કરી હતી.પરંતુ તે માનવા તૈયાર ન હતો.જેથી આખરે કંટાળીને ફરિયાદીએ આજે સવારે પોતાના સગા ભત્રીજા સામે સરદારનગર પોલીસમાં ગુનો નોંધાવતાં પોલીસે છેડતી સહિતની કલમ હેઠળ ફરિયાદ નોંધી વધુ તપાસ હાથ ધરી છે.
