– રાજ્યો અને કેન્દ્રશાસિત પ્રદેશોને આદેશ મુજબ ખાસ પ્રોટોકોલ તૈયાર કરવા જણાવાયુ
નવી દિલ્હી,
કેન્દ્ર સરકારે લોકડાઉનમાં દેશના અલગ-અલગ સ્થળો પર ફસાયેલા પ્રવાસી મજૂરો, પર્યટકો, વિદ્યાર્થીઓને જવા-આવવાની મંજૂરી આપી દીધી છે.ગૃહ મંત્રાલય તરફથી જારી આદેશમાં કહેવામાં આવ્યુ છે કે,તમામ રાજ્યો અને કેન્દ્રશાસિત પ્રદેશો એમના ત્યાં ફસાયેલા લોકોને તેમના ગૃહ રાજ્યોમાં મોકલવાની તથા અન્ય સથળો પરથી પોત-પોતાના લોકોને લાવવા માટે સ્ટાન્ડર્ડ પ્રોટોકલ તૈયાર કરે.આદેશ મુજબ દરેક રાજ્ય કે પ્રદેશ પોતાના ફસાયેલા લોકોને વતન પરત લાવી શકશે તથા પોતાને ત્યાં ફસાયેલા અન્ય રાજ્યના નિવાસીઓને મોકલી શકશે.
આ દરમિયાન આંતરરાજ્યોમાં જતા-આવતા લોકોની સ્ક્રીનિંગ કરવામાં આવશે, જેઓમાં કોરોના સંક્રમણના લક્ષણો દેખાશે નહીં એવા લોકોને જ વતન જવાની મંજૂરી આપવામાં આવશે.આવા લોકોને લાવવા-લઇ જવા માટે બસોનો ઉપયોગ કરવામાં આવશે. મુસાફરી દરમિયાન બસોને સેનેટાઇઝ કરી સોશિયલ ડિસ્ટેન્સિંગના નિયમનું કજક પાલન પણ કરાવવામાં આવશે.આ બસોને રાજ્યમાં પ્રવેશ કરતા કોઇપણ રાજ્ય સરકાર રોકી નહીં શકવાના આદેશ પણ જારી કરવામાં આવ્યા છે.ડેસ્ટિનેશન પર પહોંચ્યા પછી તમામની લોકલ હેલ્થ ઓથોરિટી દ્વારા સઘન તપાસ કરવામાં આવશે અને રાજ્યમાં પ્રવેશ બાદ તેમને હરવા-ફરવાની મંજૂરી નહીં મળે.તેઓ તમામે હોમ કોરન્ટાઇનમાં રહેવુ ફરજીયાત છે તથા સમયસર કોરોના ટેસ્ટમાં સહયોગ આપવો પડશે.
