– ઉશ્કેરણી જનક અથવા અફવા ફેલાવતા મેસેજ સોશ્યલ મિડીયા ઉપર મુકનારા સામે પણ કાયદેસર કાર્યવાહી થશે : પી.આઈ.કોઠીયા
– ઇલેક્ટ્રોનિક મીડિયાનું પ્રેસકાર્ડ ન હોવા છતાં પત્રકારનો રોફ જાડતા 3ને પોલીસે દબોચ્યા
ભરૂચ,
કોરોના સંક્રમણને અટકાવવા માટે દેશવ્યાપી લોકડાઉનના માહોલ વચ્ચે સોશ્યલ મિડીયા પર ઉશ્કેરણી જનક વિડીયો અપલોડ કરનાર ચાર બોગસ પત્રકરોની ભરૂચ ખાતે ધરપકડ કરવામાં આવી છે. ભરૂચ બી ડિવિઝન પોલીસે વિડીયો બનાવી સોશ્યલ મીડિયા ઉપર યુ ટ્યુબ માં અપલોડ કરી ઉશ્કેરણી જનક વાતાવરણ ઉભું કરનાર બોગસ પત્રકાર ની ઘરપકડ થયા બાદ તેને વધુ ત્રણ બોગસ પત્રકારો ના નામો જાહેર કરતા પોલીસ વધુ ત્રણ બોગસ પત્રકારો ની ઘરપકડ કરી છે.
પોલીસના સત્તાવાર સૂત્રોના જણાવ્યા અનુસાર બી ડિવિઝન પોલીસ મથક માં હોબાળો મચાવનાર ટોળામાં એક બોગસ પત્રકાર નામે અલીહસ્નને મુસ્તાક પાનવાલા (ભોજાણી)નાઓ એ વિડીયો બનાવી ઉશ્કેરણી જનક વાતાવરણ ઉભું કરવામાં માટે યુ ટ્યુબ ઉપર વિડીયો અપલોડ કરવાના પ્રકરણ માં પોલીસે તેની ઘરપકડ કરી હતી. તેની પૂછપરછ કરતા તેની સાથે અન્ય ત્રણ બોગસ પત્રકારો હોવાની કબૂલાત કરી હતી. પોલીસે સીસીટીવી ફૂટેજ માં રહેલા અન્ય ત્રણ બોગસ પત્રકાર સહ આરોપી નામે વિનોદભાઈ નાથાભાઈ જાદવ રહે,નવીવસાહત,ભરૂચ, સાહિલ શૂહેન ઈસ્માઈલ મન્સૂરી રહે,ધોળીકૂઈ બજાર,ભરૂચ અને રિઝવાન આબીદ સોડાવાલા રહે,મુસાફર ખાના પાછળ,સ્ટેશન ભરૂચનાઓ ની સામે પણ કાર્યવાહી કરી હતી. ખોટા પત્રકાર બની યુ ટ્યુબ ઉપર વિડીયો અપલોડ કરવા અંગે આઈપીસી કલમ ૨૬૯,૨૭૦,૧૮૮ તથા જી.પી.એક્ટ ની કલમ ૧૩૯ તથા નેશનલ ડીઝાસ્ટર મેનેજમેન્ટ એક્ટ ની કલમ ૫૧ (બી) ૫૪ મુજબ ગુનો દાખલ કર્યો હતો.
