ઉત્તર પ્રદેશનાં બાલિયા જીલ્લામાં લગ્નગીતો ગવાતા હતા ગોર મહારાજ મંત્રો બોલતા હતા તેજ સમયે મંડપમાં વરરાજા એ ગુટખા તોડી મોઢામાં નાખતા જ આ દ્રશ્ય જોઇને દુલ્હન ભડકી હતી કારણ કે તેણે ગુટખા ખાતા માણસો પસંદ ન હોઈ તેણે તરત જ આવા ગુટખા ખાનારા વરરાજા સાથે પરણવાની ઘસીને ના પાડી દેતા ભારે હોબાળો થયો હતો અને લગ્નગીતો અટકી પડ્યા મહારાજ મંત્ર બોલતા અટકી ગયા અને જાન ખાલી હાથે પાછી વળી હતી અને વરરાજા ના તે યુવતી સાથે પરણવાના ઓરતા અધૂરા રહી ગયા હતા.
વાત છે યુપી ના બલિયા જિલ્લા ના મિશરૌલી ગામની દુલ્હન અને ખેજુરી ગામના દુલ્હા ની કે જ્યાં આ દંપતી ના લગ્ન થવાના હતા.પરંતુ દુલ્હને જોયું કે તેનો થનારો પતિ દારૂ પીને અને ગુટખા ખાતો ખાતો મંડપ સુધી આવ્યો હતો.આ જોઈને દુલ્હને મંડપમાં જ લગ્ન કરવાની ના પાડી હતી જાન ને પાછી ના મોકલાય તેમ જણાવી કલાકો સુધી દુલ્હનને મનાવી પણ તે માની નહીં.અંતે બંને પરિવારે એકબીજાને આપેલી ગિફ્ટ પરત કરીને લગ્ન કેન્સલ કર્યા હતા અને ગુટખાને લીધે લગ્ન કેન્સલ થયેલા જોઇને મહેમાનોએ પણ મઝા લીધી હતી અને સૌ વાતો કરતા કરતા પોતપોતાના ઘર ભેગા થઈ ગયા હતા.
