– મધુ શ્રીવાસ્તવ,દિનુમામા અને સતિશ નિશાળીયાએ અપક્ષ લડવાની કરી જાહેરાત
– મધુ શ્રીવાસ્તવે કાર્યકરો અને સમર્થકો સાથે મીટિંગ કરી હતી
ગુજરાત વિધાનસભાની ચૂંટણીમાં ગતરોજ ભાજપ દ્વારા 160 ઉમેદવારોના નામોની યાદી જાહેર કરી હતી.ઉમેદવારના નામોની જાહેરાત બાદ વડોદરા જિલ્લામાં ક્યારેય નહિ અનુભવેલી સ્થિતીનું સર્જન થયું છે.ભાજપના ધારાસભ્ય મધુ શ્રીવાસ્તવ,પૂર્વ ધારાસભ્ય દિનુમામા અને સતિશ નિશાળીયાએ પાર્ટી વિરૂદ્ધ જઇને અપક્ષ લડવાની જાહેરાત કરવા સામે આવ્યા છે.જેને લઇને હવે ભાજપ આ ઉમેદવારો સામે કોઇ કાર્યવાહી કરે છે કે નહિ તે જોવું રહ્યું.હાલની સ્થિતી ગુજરાત ભરમાં માત્ર વડોદરા જિલ્લામાં જ ત્રણ ઉમેદવારોએ અપક્ષ ઉમેદવારી કરવાનું નક્કી કર્યું છે.જે પૈકી એક તો ભાજપના ધારાસભ્ય મધુ શ્રીવાસ્તવ છે.
ગતરોજ ભાજપના ધારાસભ્ય મધુ શ્રીવાસ્તવે કાર્યકરો અને સમર્થકો સાથે મીટિંગ બોલાવી હતી.મીટિંગ બાદ તેમણે મીડિયાને જણાવ્યું હતું કે, ભારતીય જનતા પાર્ટી નિર્ણય બદલે તેમાં તમારો સહકાર છે કે કેમ ? પાર્ટીમાં રજૂઆત કરીશુ.જો પાર્ટી નહી માને તો તમારી સાથે અપક્ષમાં રહીને લડીશું.બીજી રીતે લડીને પણ આપણે વિકાસના કામો કરીશું.અત્યાર સુધી કાર્યકર્તાઓ જ મને આગળ લાવ્યા છે.ધારાસભ્ય પણ કાર્યકર્તાઓએ જ બનાવ્યો હતો.અત્યારે પણ કાર્યકર્તાઓ આગળ આવ્યા છે અને કહ્યુ છે કે તમે ચૂંટણી લડો અમે તમારી સાથે છીએ..તમને જીતીને લાવીશ અને હુ સો ટકા જીત મેળવીશ અને દરેક કાર્યકર્તાનો વિજય થશે.
આજે સવારે પાદરાના વજનદાર નેતા દિનુમામાએ એક પ્રેસવાર્તાનું આયોજન કર્યું હતું, જેમાં તેમણે જણાવ્યું કે, અપક્ષ તરીકે ચૂંટણી લડવાની તૈયારી કેવી છે એ સવાલના જવાબમાં જણાવ્યુ હતુ કે મારી તૈયારીમાં દિવસે દિવાળી અને રાત્રે હોળી છે. મારી ગળથૂંથીમાં જ અપક્ષની ચૂંટણી લડવાની ત્રેવડ છે. 2002માં પણ અપક્ષ ઉમેદવાર તરીકે કોંગ્રેસના ઉમેદવાર કરતા 8 હજાર વોટ મને મળેલા હતા. 2007માં પણ આજે ભાજપે ભૂલ કરી છે.એવી તે દિવસે કોંગ્રેસના નેતાઓએ ભુલ કરી નરેન્દ્રભાઇને ટિકીટ આપી.અનેક લોકો સમજાવવા આપ્યા હતા કે બે પટેલ લડશો તો દરબાર જીતી જશે.અમારા માટે પટેલ કે દરબાર એવું કંઇ રાખ્યુ નથી.આજે ભાજપની ટિકીટ લઇને આવ્યા એ બે મિત્રને પૂછુ છુ કે 2017માં તમે અપક્ષ તરીકે ચૂંટણી લડ્યા હોત તો તમને તમારો ખ્યાલ આવી જાત.દર વખતે જે લોકો કામ કરે છે તે પાદરા તાલુકાના લોકોએ જોયુ છે.ભાજપના રહીને કેટલાક લોકોએ ખોટુ કામ કરેલું હતુ.એમને ટિકીટ મળેલી હોય તેનો મને ભારોભાર રોષ છે.
વડોદરા શહેર અને તાલુકાની જનતાને કહેવા માંગુ છુ કે ચૂંટણી હારી ગયા પછી મે મારા તાલુકાની જનતાની સેવા કરવાનું હંમેશા ચાલુ રાખ્યુ છે.અતિવૃષ્ટિ થાય ત્યારે પણ મે મારી રાહ કોઇને જોવડાવી નથી.કોરોના સમયમાં મેં રાત-દિવસ કામ કર્યુ છે.સુખ અને દુખમાં હું પાદરા તાલુકાની જનતા સાથે રહેલો છુ.ક્યારેય પણ કોઇ નાત-જાતનો ભેદભાવ કર્યા વિના તાલુકાના હિત માટે તત્પર રહ્યો છુ.
તાલુકાના તમામ આગેવાનોએ ભેગા થઇને નક્કી કર્યુ છે કે 2002માં અને 2007માં અપક્ષ લડ્યા હતા માટે આ વખતે પણ આપણે અપક્ષની ચૂંટણી લડીએ.વિધાનસભાની ચૂંટણી તરીકે પાદરા તાલુકામાં આ મારી છેલ્લી ચૂંટણી છે.હવે પછી હું ક્યારેય વિધાનસભાનો ઉમેદવાર રહેવાનો નથી. છેલ્લા શ્વાસ સુધી હું પાદરાની જનતા સાથે છું. પાર્ટીએ જે એક્શન લેવુ હોય તે લેવાની છુટ છે. પરંતુ આ પાદરા તાલુકામાં વિધાનસભામાં ધારાસભ્ય તરીકે મે ઉમેદવારી કરી છે.તે પાદરા તાલુકાની જનતાના વિશ્વાસ અને ભરોસાથી કરી છે.
મેં આજ દિન સુધી પાર્ટીના હિતમાં કામ કર્યુ છે.પાર્ટીએ જે કિધુ એ જ કર્યુ છે.મારી આ છેલ્લી ચૂંટણી છે.કોંગ્રેસના ઉમેદવાર ફાઇનલ છે.કોંગ્રેસે ભુલ કરી હતી 1998માં ટિકીટ આપી,2002માં ટિકીટ ન આપી ત્યારે પતાકડા પણ હું જાતે લાવતો હતો. 2002માં ન આપી તો પણ કોંગ્રેસ ચલાવી. મે છતાં 2007માં મામાને ટિકીટ નહી આપીએ તો એ ક્યા જવાના છે તેવો ભ્રમ અમે તોડી નાખ્યો.અને એના કારણે નારાભાઇ રાઠવા લોકસભામાં રેલવે મંત્રી હતા છતાં પણ હારી ગયા હતા.
ટીકીટ નહિ મળતા નિરાશ થયેલા સતિશ નિશાળિયાએ મીડિયા સમક્ષ વાત કરતા જણાવ્યું હતું કે, અમારી સેન્સ પ્રક્રિયા પણ લેવામાં આવી હતી જેમાં 135 જેટલા લોકોએ મારો સેન્સ આપેલો હતો.છેલ્લા બે વર્ષથી અમે જોઇએ છીએ કે અક્ષય ભાઇ કોઇ પણ કામ કરવા માટે ભાજપનાં કાર્યકર્તાઓ કે હોદ્દેદારોને પૂછતા નથી. ત્યારે અમે તમામ લોકોએ નક્કી કર્યુ કે આ ઉમેદવાર ન ચાલે. 2012થી 2017માં જે વિકાસ થયો તેનો થોડા ભાગને પણ વિકાસ 2017થી 2022માં થયો નથી.માટે મને લોકોના ફોન આવ્યા કે તમારે ચૂંટણી લડવી જ જોઇએ.આ વખતે કાર્યકર્તાઓએ મન બનાવી લીધુ છે કે આપણે ચૂંટણી લડવી જ પડે.
વધુમાં કહ્યુ કે ભારતીય જનતા પાર્ટીએ મને વિશ્વાસમાં લીધો નથી. તમામ લોકોએ મારી તરફેણ કરેલી છતાં પણ કમિન્ટમેન્ટના બહાને મારી ટિકીટ કપાતી હોય ત્યારે કાર્યકર્તાઓમાં ભારે રોષ છે. તેના માટે જ હુ ઉમેદવારી કરવાનો છુ.
ગાંધીનગર મુખ્યમંત્રીએ મને બોલાવ્યો હતો ત્યાં ભાજપનું આખુ મોવડી મંડળ ત્યાં હતુ.રાજ્યસભામાં બહુમતીની જરૂર છે એટલે આપણે તેને જીતાડવા પડે.પછી જો અક્ષય ભાઇ સંગઠનને જોડે રાખીને વિશ્વાસ કેળવીને કામ કરશે તો આપણે કંઇક વિચારીશુ.જો વિશ્વાસ નહીં કેળવે તો તેને કાઢીને તમે અથવા કોઇ પણ ભાજપના કાર્યકર્તાને ટિકીટ આપીશું.
આજે પણ હુ જાહેરમાં કહુ છું કે અમે થોડા દિવસ પહેલા ચારેય પ્રમુખ કરજણ નગર,કરજણ ગ્રામ્ય,સિનોર તાલુકો અને વડોદરા તાલુકાના અને અમારા તાલુકા પંચાયતના પ્રમુખ સચીનભાઇ આ તમામ ભેગા મળીને અમે ભાર્ગવભાઇને પણ રજૂઆત કરી હતી.અમારામાંથી કોઇ પણ કાર્યકર્તાને આપશો તો અમે સ્વીકારી લઇશું.પરંતુ અક્ષયભાઇ નહીં ચાલે.આ વાત તમે ઉપર પહોંચાડજો.આના માટે અમે મિટીંગ પણ કરેલી છતાં પણ પરિણામ ન આવતુ હોય એટલે હવે અમે ચૂંટણી લડવાનું નક્કી કર્યુ છે.આ વખતે કરજણમાં નવા જૂની થશે. ધાક ધમકી કે નવા જૂની વાતો થશે તેનાથી અમે કોઇ ગભરાવાના નથી.
