– વર્ષ 2020-21 માં 869 કરોડ તો વર્ષ 2021 – 22 માં 988 કરોડની સ્ટેમ્પ ડ્યૂટીની આવક
સુરત : આમ તો કહેવાય છે કે સુરતમાં રિયલ એસ્ટેટમાં સૌથી વધુ કાળુ નાંણાનો ઉપયોગ થાય છે,પરંતુ સમયની સાથે સાથે સુરતીઓમાં પણ બદલવા આવી રહ્યો છે.સુરત જિલ્લામાં મિલકતની ખરીદીમાં બ્લેક મની કરતાં વાઈટનું ચલણ વધ્યું હોવાનું પૂર્ણ થયેલા હિસાબી વર્ષમાં નોંધાયેલા દસ્તાવેજની આવક પરથી જણાઈ રહ્યું છે.વર્ષ 2020-21 કરતાં 2021-22 માં 6204 દસ્તાવેજ ઓછા નોંધાયા છે,તેમ છતાં નોંધણી ફી અને સ્ટેમ્પ ડ્યૂટીની આવકમાં 30 કરોડ રૂપિયાનો વધારો થયો છે.મિલકત ખરીદનારાઓએ જંત્રીની કિંમત કરતાં પણ વાઈટનું પેમેન્ટ વધુ ચૂકવતા દસ્તાવેજની સંખ્યા ઘટી હોવા છતાં આવકમાં વધારો જોવા મળ્યો છે.સુરતની 18 સબરજીસ્ટ્રાર કચેરી થકી સરકારને વર્ષ 2020-21માં 869 કરોડ જ્યારે 2021-22માં 899 કરોડની આવક થવા પામી છે.
રાજ્યના અન્ય જિલ્લાઓ કરતાં દક્ષિણ ગુજરાતના સુરત,નવસારી,વલસાડ,તાપી સહિતના જિલ્લાઓમાં મિલકત ખરીદીના ચૂકવાતા અવેજમાં વાઈટ કરતાં બ્લેક મનીનું પ્રમાણ વધુ છે.સુરતમાં જંત્રીના ભાવ અને મિલકતની બજાર કિંમતમાં આસમાન જમીનનો તફાવત જોવા મળે છે.જેને પગલે સુરતમાં મિલકત ખરીદતી વેળાં 70ઃ30નો રેશિયો એટલે કે 30 ટકા વાઈટ અને 70 ટકા રોકડા આપવા પડે છે.જેને કારણે રિયલ એસ્ટેટ ક્ષેત્રમાં જાણિતી કંપનીઓ કે જેઓ પૂરેપૂરું વાઈટથી પેમેન્ટ વસૂલે છે, તેવી કંપનીઓ દક્ષિણ ગુજરાતમાં પોતાના પ્રોજેક્ટ કરી શકતી નથી.પરંતુ પૂર્ણ થયેલા હિસાબી વર્ષમાં સુરતની સબ રજીસ્ટ્રાર કચેરીઓમાં નોંધાયેલા દસ્તાવેજમાં નોંધણી ફી અને સ્ટેમર ડ્યૂટીની આવક જોતાં સુરતમાં પણ વાઈટનું ચલણ વધ્યું હોવાનું જોવા મળ્યું છે.કેમકે, વર્ષ 2020-21કરતાં વર્ષ 2021-22 માં 6204 મિલકતના દસ્તાવેજ ઓછો નોંધાયા છે, તેમ છતાં આવકમાં 30 કરોડ રૂપિયાની આવકનો વધારો થયો છે.
20-21 કરતાં 21-22 માં 6204 દસ્તાવેજ ઓછા નોંધાયા
2019 માં કોરોનાની લહેર બાદ અર્થતંત્રની ગાડી જેમ તેમ કરીને પાટે ચઢી હતી.આમ છતાં વર્ષ 2020-21 માં દસ્તાવેજની નોંધણી અને આવક બંને વધી હતી. 2020-21 માં 1.49 લાખ થી વધુ દસ્તાવેજ નોંધાયા હતા,અને 869 કરોડની આવક થઇ હતી.તેની સામે 2021-22 માં 1.43 લાખતી વધુ મિલકતના દસ્તાવેજ નોંધાયા હતા.જેની સામે 899 કરોડની આવક થઇ હતી.એટલે કે હાલમાં જ પૂર્ણ થયેલા હિસાબી વર્ષમાં 6204 મિલકતના દસ્તાવેજ ઓછા નોંધાયા છે.
