વલસાડ, 08 જૂન : દેશભરમાં લોકો ડિજિટલ યુગમાં પ્રવેશી રહ્યા છે.ત્યારે,દરેક માહિતી લોકોને આંગળીના ટેરવે મળી રહે તે માટે સરકાર પણ આગ્રહ રાખી રહી છે.પરંતુ વલસાડ જિલ્લા પંચાયતને આ બાબતને જરા પણ મહત્વ આપી રહી નથી.જિલ્લા પંચાયત વલસાડ ખેતીવાડી વિભાગ દ્વારા વેબસાઈટ પર મૂકવામાં આવેલી વિગતો 2017માં અપડેટ કર્યા બાદ આજ દિવસ સુધી અપડેટ કરાયું નથી.એટલે કે 4 વર્ષથી ખેતીવાડી વિભાગ દ્વારા વાવેતરને લગતી સમગ્ર વિગતો અપડેટ કરી નથી.
વલસાડ વૈશ્વિક મહામારી કોરોનાએ સમગ્ર દુનિયા ચપેટમાં લીધી છે.ત્યારે સોશિયલ ડિસ્ટન્સ જાળવીને કામ કરતા લોકો ડિજિટલ યુગ તરફ આગળ વધી રહ્યા છે.દરેક ચીજોની આંકડાકીય માહિતી કે,પરંતુ જિલ્લા પંચાયત ખેતીવાડી વિભાગ દ્વારા મૂકવામાં આવેલી જિલ્લાના વાવેતરને લગતા આંકડા અંગેની વિગતો છેલ્લે 2017માં અપડેટ કર્યા બાદ આજે 4 વર્ષ થયાં છતાં કોઈ અધિકારીએ રસ સુધ્ધાં ન દાખવતા કોઈ પણ જાતની વિગતો અપડેટ કરવામાં આવી નથી.જો ખેડૂતો 2019ની માહિતી જોઈએ તો પણ મેળવવી મુશ્કેલ છે.
વેબસાઈટ ઉત્સાહમાં બનાવી,પરંતુ છેલ્લા 4 વર્ષથી તેમાં કેટલાક વિભાગોમાં માહિતી અપડેટ કરવામાં આવી નથી.તે ધ્યાન પર આવ્યું છે,ત્યારે શું નવા આવેલા જિલ્લા કલેક્ટર આ બાબતે ધ્યાન આપી લોકોને સાચી અને સચોટ માહિતી મળે એવી વ્યવસ્થા ઉભી કરાવશે ખરા?
નોંધનિય છે કે,વડાપ્રધાન નરેન્દ્ર મોદી ડિજિટલ ટેકનોલોજીનો ઉપયોગ કરવા ઉપર ભાર મૂકી રહ્યા છે.ત્યારે વલસાડ જિલ્લા પંચાયત વિભાગ જ છેલ્લા 4 વર્ષથી ડિજિટલ માધ્યમ પર આંકડાઓ અપડેટ કરવામાં બેદરકારી દાખવી રહ્યા છે.ત્યારે વલસાડ જિલ્લાના યુવા ખેડૂતો જે ડિજિટલ માધ્યમ દ્વારા આંકડાઓ મેળવીને ખેતી કરતા હોય તેઓ હાલ ખૂબ મુંઝવણમાં મૂકાયા છે.
