નવી દિલ્હી, 07 ડિસેમ્બર : ભારતમાં નવા કૃષિ કાયદા માટે ચાલી રહેલા કૃષિ આંદોલનના સમર્થનમાં, વિદેશમાં દેખાવો અને સંયુક્ત રેલીઓ યોજવામાં આવી રહી છે. હવે આ આંદોલનને ખાલિસ્તાની સંગઠનોએ હાઈજેક કરી લીધો છે. કેનેડા પછી મોટાભાગના ખાલિસ્તાની અને પાકિસ્તાની સમર્થકો બ્રિટન, અમેરિકા અને ઓસ્ટ્રેલિયામાં આ ખેડૂતોના સમર્થનમાં દેખાવોના નામે જોડાઈ રહ્યા છે.
શીખ ફોર જસ્ટિસ જૂથના પરમજિત સિંઘ ‘પમ્મા’ એ, આજે લંડનમાં ભારતીય હાઈ કમિશન પર,ખાલિસ્તાન ધ્વજ લગાવી સાથે જોડાયા હતા.ગયા વર્ષે ભારતે આ જૂથનો બહિષ્કાર કર્યો હતો. લંડનમાં ખાલિસ્તાની આતંકવાદી ભંડોળની રેલીમાં ખાલિસ્તાની આતંકવાદી પરમજિત સિંહ પમ્માએ ભારત વિરોધી નારા લગાવ્યા હતા. પમ્મા એનઆઈએની મોસ્ટ વોન્ટેડ લિસ્ટમાં છે,અને તેમાં પ્રતિબંધિત / નિયુક્ત આતંકવાદી જૂથ શીખ ફોર જસ્ટિસ (એસએફજે) નો પણ સમાવેશ છે.જેને પાકિસ્તાનની ગુપ્તચર એજન્સી આઈએસઆઈ દ્વારા ફંડ આપવામાં આવે છે.
આ ઉપરાંત બબ્બર ખાલસાના ચહેરા ગણાતા ફેડરેશન ઓફ શીખ સંગઠનો સાથે સંકળાયેલા કુલદીપ સિંહ ચેરૂ પણ લંડનમાં ભારતીય હાઈ કમિશનની સામેના વિરોધમાં જોડાયા હતા.લંડન મેટ્રોપોલિટન પોલીસે ભીડને કાબૂમાં લીધી હતી.દરમિયાન લંડનમાં ભારતીય હાઈ કમિશન સામે વિરોધ દરમિયાન, કોવિડ -19 નિયમોના ભંગ બદલ, 13 લોકોની ધરપકડ કરવામાં આવી હતી. તેમાંથી ચાર લોકોને છૂટા કરવામાં આવ્યા હતા,પરંતુ હજી નવ કસ્ટડીમાં છે.
અહેવાલો અનુસાર,બ્રિટનની રાજધાની લંડનમાં ભારતીય હાઈ કમિશન નજીક મોટી સંખ્યામાં લોકો એકઠા થયા હતા અને નિદર્શન કર્યું હતુ. લંડનના ભારતીય ઉચ્ચ આયોગના પ્રેસ અધિકારી વિશ્વેશ નેગીએ એક નિવેદનમાં જણાવ્યું છે કે, ‘રોગચાળા દરમિયાન વિરોધીઓ મોટી સંખ્યામાં એકઠા થયા હતા અને સામાજિક અંતરના ધોરણોને તોડી નાખ્યા હતા.મેટ્રોપોલિટન પોલીસ લંડનથી આશરે 40 વાહનો સાથે દેખાવો કરવાની પરવાનગી માંગવામાં આવી હતી.જ્યારે 3500-4000 વિરોધીઓ અહીં ભારતીય હાઈ કમિશન,વિદેશ કચેરી અને હોમ ઓફિસ પહોંચ્યા હતા.તેને ધ્યાનમાં રાખીને,લંડન મેટ્રોપોલિટન પોલીસે ટોળાને એકત્રિત કર્યા અને પરિસ્થિતિને કાબૂમાં લીધી. તેમજ ભારતીય દૂતાવાસની સુરક્ષા માટે કડક બંદોબસ્ત ગોઠવવામાં આવ્યો છે.’
નેગીએ કહ્યું હતું કે, ‘ભારતીય ખેડૂતોના સમર્થનમાં દેખાવોના બહાના હેઠળ, ભારત વિરોધી અલગતાવાદીઓના નેતૃત્વમાં ભારત વિરોધી એજન્ડાને આગળ વધારવાનુ કામ કરવામાં આવી રહ્યું છે.ભારતમાં કૃષિ સુધારણા બિલ વિરુદ્ધ વિરોધ પ્રદર્શન લોકશાહી પ્રક્રિયાના ભાગરૂપે છે.ભારત સરકાર વિરોધકારો સાથે વાતચીત કરી રહી છે. જે હજી ચાલુ છે.કહેવાની જરૂર નથી કે,આ ભારતનો આંતરિક મુદ્દો છે.વિરોધીઓ ભારત વિરોધી નારા લગાવી રહ્યા છે,અને કેટલાક ખેડૂત તરફી સૂત્રોચ્ચાર કરી રહ્યા છે,ત્યારે લંડન પોલીસ જોરશોરથી ભારતીય ઉચ્ચ આયોગનુ સમર્થન કરી રહી છે.’
તેવી જ રીતે કેલિફોર્નિયા અને સાન ફ્રાન્સિસ્કોમાં ઓકલેન્ડ સુધીની યુ.એસ.માં, ‘ખેડૂત એકતા રેલી’ યોજાઈ હતી. જેમાં સેંકડો વાહનોનો સમાવેશ થતો હતો.વિરોધ પ્રદર્શનના રેલીમાં સામેલ થયેલા વીડિયોમાં લોકો ખેડુતોના આંદોલનના સમર્થનમાં નારા લગાવતા અને પ્લેકાર્ડ લહેરાવતા જોવા મળ્યા.અહેવાલ મુજબ ‘જકારા આંદોલન’ નામની સંસ્થા દ્વારા ‘કિસાન એકતા રેલી’ યોજવામાં આવી હતી.
રવિવારે ઓસ્ટ્રેલિયાના મેલબોર્ન સ્થિત સંસદ ભવન સુધી, ભારતીય કોન્સ્યુલેટથી ‘કિશન રેલી’ યોજવામાં આવી હતી.કેનેડાના ટોરોન્ટોમાં સેંકડો લોકો ભારતીય દૂતાવાસની બહાર પ્રદર્શનમાં માટે એકઠા થયા હતા.પાકિસ્તાની અને ખાલિસ્તાની સમર્થકો પણ આમાં સામેલ હતા.
નોંધનીય છે કે, ખેડૂત ભારત સરકારના નવા કૃષિ કાયદાઓ વિરુદ્ધ આંદોલન કરી રહ્યા છે.સરકાર અને ખેડૂત વચ્ચે 5 રાઉન્ડની વાતચીત અનિર્ણિત થયા પછી, આગામી મીટીંગ 09 ડિસેમ્બરે યોજાવાની છે.બીજી તરફ,આગામી બેઠકના એક દિવસ પહેલા 8 ડિસેમ્બરે ખેડૂત સંગઠનોએ પણ ભારત બંધનુ એલાન પણ કર્યું છે.