દિલ્હી કોર્ટે પંજાબ પોલીસને સિદ્ધુ મુસેવાલા હત્યા કેસમાં લોરેન્સ બિશ્નોઈની ધરપકડ કરવાની મંજૂરી આપી છે.આ પહેલા બિશ્નોઈને દિલ્હી પોલીસે કોર્ટમાં રજૂ કર્યો હતો.દિલ્હી કોર્ટે પંજાબ પોલીસને લોરેન્સ બિશ્નોઈની ધરપકડ કરવાની મંજૂરી આપી છે. દિલ્હી પોલીસે આજે ગેંગસ્ટર લોરેન્સ બિશ્નોઈને પટિયાલા હાઉસ કોર્ટમાં રજૂ કર્યો છે.તો સાથે જ પંજાબ પોલીસની ટ્રાન્ઝિટ રિમાન્ડ અરજી પર કોર્ટમાં ચર્ચા પૂરી થઈ ગઈ છે.કોર્ટ થોડીવારમાં ચુકાદો સંભળાવી શકે છે.
બીજી તરફ દિલ્હી પોલીસે કોર્ટમાં કહ્યું છે કે અમે જે કેસમાં પૂછપરછ કરી રહ્યા છીએ તેમાં અમને કંઈ ખાસ જાણવા મળ્યું નથી, તેથી અમને કસ્ટડીની જરૂર છે.તો પંજાબ પોલીસે પણ કોર્ટમાં બિશ્નોઈના રિમાન્ડની માંગણી કરી છે.પંજાબ પોલીસ એડવોકેટ જનરલે લોરેન્સ બિશ્નોઈના ટ્રાન્ઝિટ રિમાન્ડ માટે અરજી દાખલ કરી છે અને પંજાબ પોલીસે સિદ્ધુ મુસેવાલાની હત્યાનો ઉલ્લેખ કર્યો હતો.
સોશિયલ મીડિયા પર એક વીડિયોનો ઉલ્લેખ કરતા પંજાબ પોલીસે કહ્યું કે આ વીડિયોમાં લોરેન્સ બિશ્નોઈએ એક હત્યાની જવાબદારી લીધી છે.બિશ્નોઈએ સોશિયલ મીડિયા પર દાવો કર્યો હતો કે તેણે આ હત્યા કરી છે.આના પર કોર્ટે પૂછ્યું કે શું તેમણે પોતે સ્વીકાર્યું છે? તેના પર વકીલે કહ્યું કે તેણે પોતે કહ્યું છે કે તેણે ગોલ્ડી બ્રાર સાથે મળીને હત્યા કરાવી છે.
પંજાબ પોલીસે ટ્રાન્ઝિટ રિમાન્ડની પણ માંગણી કરી હતી
પંજાબ પોલીસે બિશ્નોઈ,ગોલ્ડી બ્રાર તમામ ગંભીર કેસોમાં સંડોવાયેલા હોવાનું જણાવી ટ્રાન્ઝિટ રિમાન્ડની માંગણી કરી છે.પંજાબ પોલીસના વરિષ્ઠ અધિકારીઓ સહિત 16 પોલીસ કર્મચારીઓની ટીમ દિલ્હી આવી છે.પંજાબ પોલીસના વકીલે કોર્ટમાં કહ્યું કે લોરેન્સ બિશ્નોઈએ હત્યા કરાવી છે.સાથે જ દિલ્હી પોલીસે પણ આ વાત કહી છે. લોરેન્સ અને ગોલ્ડીની નજીકના લોકો અલગ-અલગ સ્તરે આમાં સામેલ છે.આ સંગઠિત અને આયોજનબદ્ધ હત્યા છે.આ હત્યા વિક્રમજીત સિંહની હત્યાનો બદલો લેવા માટે કરવામાં આવી છે.
લોરેન્સ બિશ્નોઈના વકીલ ટ્રાન્ઝિટ રિમાન્ડનો વિરોધ કર્યો
તે જ સમયે બિશ્નોઈના વકીલ વિશાલ ચોપરાએ પંજાબ પોલીસની માંગનો વિરોધ કરતા બિશ્નોઈને પંજાબમાં તેના જીવ માટે ખતરો ગણાવ્યો હતો.વકીલે કહ્યું કે જો લોરેન્સને પંજાબ લઈ જવામાં આવે તો તેનું નકલી એન્કાઉન્ટર પણ થઈ શકે છે. વિશાલ ચોપડાએ કોર્ટમાં કહ્યું કે દિલ્હીની મકોકા કોર્ટમાં ટ્રાયલ પેન્ડિંગ છે,ત્યાં પણ તેણે પોતાના જીવને ખતરો હોવાની આશંકા વ્યક્ત કરી છે.એડવોકેટ ચોપરાએ બિશ્નોઈને પંજાબ લઈ જવા પર સુપ્રીમ કોર્ટના સ્ટેનો ઉલ્લેખ કર્યો હતો.તેના પર પંજાબ પોલીસના વકીલે કોર્ટમાં દલીલ કરી હતી કે જો લોરેન્સ બિશ્નોઈની કસ્ટડી પંજાબ પોલીસને આપવામાં આવે છે તો પંજાબ પોલીસ સુરક્ષાની સંપૂર્ણ જવાબદારી લેશે.જેમાં પંજાબ પોલીસના લગભગ 50 પોલીસ કર્મચારીઓ,બે બુલેટ પ્રુફ વાહનો,12 વાહનો માર્ગ પર દોડશે જે માર્ગ પર પાઈલોટિંગ કરશે તેમજ તમામ રૂટની વીડિયોગ્રાફી કરવામાં આવશે.પંજાબ પોલીસે કહ્યું કે તેમના દ્વારા સુપ્રીમ કોર્ટના સમગ્ર આદેશનું પાલન કરવામાં આવશે.
