નવી દિલ્હી : દેશમાં ઈલેક્ટ્રિક વાહનોની કિંમત આગામી એક વર્ષમાં જ પેટ્રોલ અને ડીઝલ વાહનોની સમકક્ષ લાવવામાં આવશે તેમ કેન્દ્રીય માર્ગ પરિવહન અને હાઈવે મંત્રી નીતિન ગડકરીએ જણાવ્યું હતું. કેન્દ્ર સરકાર પેટ્રોલ અને ડીઝલના વિકલ્પ રૂપે કૃષિ પાકના બાકી રહેલા અંશમાંથી બનાવવામાં આવતા ઈથેનોલના વપરાશને વધુ પ્રોત્સાહન આપી રહી છે.
કેન્દ્રીય મંત્રીએ જણાવ્યું કે,હું પ્રયાસ કરી રહ્યો છું..એક વર્ષના સમયગાળામાં ઈલેક્ટ્રિક વાહનોની કિંમત પેટ્રોલ અને ડીઝલથી ચાલતા વહાનોની સમકક્ષ લાવવામાં આવશે.જેથી આપણે ઈંધણ પર વધુ નાણાંની બચાત કરી શકીશું.ગડકરીએ એક ટીવી ચેનલની વૈશ્વિક સમિટમાં આ વાત કહી હતી.કેન્દ્ર સરકાર ગ્રીન ફ્યુલને વધુ પ્રોત્સાહન આપી રહી છે તેમ નીતિન ગડકરીએ જણાવ્યું હતું.રોડ માર્ગની તુલનાએ જળ માર્ગથી પરિવહન ખૂબ જ સસ્તું પડે છે અને ભવિષ્યમાં જળમાર્ગના વ્યાપક ઉપયોગ માટે પગલાં જાહેર કરવામાં આવશે.
