બૃહન્મુંબઈ મ્યુનિસિપલ કોર્પોરેશન(BMC)ના ડેટાએ મુંબઈમાં પીવાના પાણીની સંભવિત અછતનો સંકેત આપ્યો છે,જેમાં માત્ર 38 દિવસનો પાણીનો સ્ટોક છે.આકરી ગરમી પછી,જૂન મહિનો સામાન્ય રીતે મુંબઈમાં દર વર્ષે ચોમાસાના વરસાદની મીઠી રાહત લાવે છે,જે શહેરની તરસ છીપાવવાનો એક ઉપાય છે.જોકે આ વર્ષે ચોમાસું થોડું વિચિત્ર રહ્યું છે.હકીકતમાં,આ મહિનાની શરૂઆતથી,મુંબઈ શહેર અને ઉપનગરોમાં વરસાદમાં મોટો ઘટાડો જોવા મળ્યો છે.ભારતીય હવામાન વિભાગના ડેટા અનુસાર,સાંતાક્રુઝના બેઝ સ્ટેશન સહિત મોટાભાગના મોનિટરિંગ સ્ટેશનોએ આ સમયગાળા દરમિયાન સરેરાશ વરસાદનો અડધો જ વરસાદ નોંધ્યો છે.
આ સાથે જ એક ચોંકાવનારી વાત સામે આવી રહી છે.હકીકતમાં,એક TOI અહેવાલ મુજબ,બૃહન્મુંબઈ મ્યુનિસિપલ કોર્પોરેશન(BMC)ના ડેટાએ મુંબઈમાં પીવાના પાણીની સંભવિત અછતનો સંકેત આપ્યો છે,જેમાં માત્ર 38 દિવસનો પાણીનો સ્ટોક છે.મુંબઈમાં છેલ્લા અઠવાડિયાથી થોડો સારો વરસાદ થયો હોવા છતાં,શહેર અને તેની આસપાસના તળાવો સતત વરસાદના અભાવનો સામનો કરી રહ્યા છે.શહેરની આ લાઈફલાઈન વિસ્તારને શુધ્ધ પાણી પુરુ પાડે છે અને હવે તેમાં પાણીનો જથ્થો જરૂરી રકમના 10 ટકાથી ઓછો થઈ ગયો છે.
