તાજેતરમાં સ્વીડનમાં નવી સરકારની રચના થઈ છે.જેમાં ઉલ્ફ ક્રિસ્ટરસન એ સ્વીડનના નવા પીએમ બન્યા છે.જેઓએ મંગળવારે એક મોટો નિર્ણય લીધો હતો જેની વિશ્વભરમાં ચર્ચા થઈ રહી છે હકીકતમાં તેમણે 26 વર્ષની રોમિના પોરમોખ્તારીને ક્લાઈમેટ મિનિસ્ટર ઘોષિત કરી છે.રોમિના ક્લાઈમેટ એક્ટિવિસ્ટ ગ્રેટા થનબર્ગના હોમ રાષ્ટ્રમાંથી આવે છે અને આ પદ પર સૌથી યુવા મંત્રી બની છે.તેના પહેલા એક પાર્ટીની નેતા પણ રહી ચૂકી છે.
કોણ છે રોમિના પોરમોખ્તારી
સ્ટોકહોમના ઉપનગરોમાં ઈરાની વંશના પરિવારમાં જન્મેલા,પોરમોખ્તારીને જળ,વાયુ અને પર્યાવરણ વિભાગ વારસામાં મળ્યો હતો.તેમજ સ્વીડન થનબર્ગનું ઘર પણ છે,જે એક કિશોરવયના ક્લાયમેટના કાર્યકર્તા છે,જેમણે લાખો યુવાનો સાથે વિશાળ વૈશ્વિક ચળવળ શરૂ કરી છે અને આબોહવા પરિવર્તનના જોખમો પર ચર્ચાનો પ્રવાહ શરૂ કર્યો છે.
લિબરલ પાર્ટીની યુથ વિંગની ભૂતપૂર્વ નેતા
26 વર્ષીય રોમિના પોરમોખ્તારી અત્યાર સુધી લિબરલ પાર્ટીની યુથ વિંગની ચિફ હતી. મળતી માહિતી મુજબ તેણી રાજકારણમાં ખૂબ સક્રિય છે.ભૂતકાળમાં તે ક્રિસ્ટરસન (વર્તમાન પીએમ)ની પણ ટીકા કરી ચૂકી છે.તેણે સોશિયલ મીડિયા પર ઘણી વખત ક્રિસ્ટેનસનને ખુલ્લેઆમ ઠપકો આપ્યો છે.જોકે, રોમિનાની પાર્ટીએ ક્રિસ્ટરસનની પાર્ટી સાથે જોડાણ કર્યું ત્યારથી તે તેની સમર્થક બની ગઈ છે.
સોમવારે જ નવી સરકારની રચના કરવામાં આવી હતી
તમને જણાવી દઈએ કે સ્વીડનમાં સોમવારે જ નવી સરકારની રચના કરવામાં આવી હતી.આ રચના ત્યારે થઈ જ્યારે જમણેરી પક્ષ અને ઈમિગ્રેશન વિરોધી પક્ષ ડેમોક્રેટ્સ વચ્ચે સમજૂતી થઈ.ક્રિસ્ટરસન પછી વડા પ્રધાન તરીકે ચૂંટાયા.વડા પ્રધાન બન્યા પછી જ ક્રિસ્ટરસને રોમાનિયાને તેમની કેબિનેટમાં સામેલ કર્યા.આ સિવાય તેમણે નવા કેબિનેટની પણ જાહેરાત કરી છે.આ મંત્રી નાગરિક સંરક્ષણ મંત્રાલય હશે.વાસ્તવમાં, આ દેશ આ મુદ્દે રશિયા સાથે સતત તણાવનો સામનો કરી રહ્યો છે.
