નવી દિલ્હી, તા. 28 માર્ચ 2022, સોમવાર : સમગ્ર વિશ્વમાં KGFએ તેના ચાહકો મેળવ્યા છે અને હવે ‘KGF Chapter 2’નું ટ્રેલર પણ પોતાનો જલવો પાથરી રહ્યું છે.પ્રેક્ષકો માટે
અદભૂત સિનેમેટોગ્રાફી, વિસ્ફોટક એક્શન અને નિર્દેશનનો અંદાજો તમને ટ્રેલર જોઈને જ મળી જશે.રોકિંગ સ્ટાર્સ યશ,સંજય દત્ત અને રવીના ટંડનના શાનદાર પ્રદર્શને લોકોની આ ફિલ્મ માટેની ઉમ્મીદ વધારી દીધી છે.ટ્રેલર જોઈને જ ચાહકો અનુમાન લગાવી રહ્યા છે કે,આ ફિલ્મ બ્લોકબસ્ટર સાબિત થશે.
-સંજય દત્તનો ખતરનાક રોલ
‘KGF Chapter 2’નું ટ્રેલર રિલીઝ થઈ ગયું છે.આ ટ્રેલર રિલીઝ થતાની સાથે જ ચાહકોમાં એક અલગ જ પ્રકારની ઉત્સુકતા જોવા મળી રહી છે. KGF Chapter 2માં સંજય દત્ત તેના પાત્ર અધીરાના રોલમાં ખતરનાક લાગે છે.બોલિવુડમાં સંજયનું વ્યક્તિત્વ સૌથી શક્તિશાળી છે એમાં કોઈ શંકા નથી.હવે આ ફિલ્મમાં અધીરાના રોલમાં તેનો લુક ખૂબ જ અલગ જોવા મળી રહ્યો છે.
બીજી તરફ ટ્રેલર જોઈને એ પણ અનુમાન લગાવી શકાય છે કે,રવીના ટંડનનો રોલ જબરદસ્ત હશે.જો સૂત્રોનું માનીએ તો ફિલ્મમાં તેની ભૂમિકા ઈન્દિરા ગાંધીથી પ્રેરિત છે.બીજી તરફ યશની વાત કરીએ તો પહેલા ભાગની જેમ આ વખતે પણ તે પોતાની સ્ટાઈલથી બધાને પ્રભાવિત કરવા તૈયાર છે.ટ્રેલરમાં પણ તેનો શાનદાર ડાયલોગ છે.એન્ટ્રી વખતે તે કહે છે- ‘આઈ ડોન્ટ લાઈક વાયોલેંસ,આઈ અવોઈડ વાયોલેંસ,બટ વાયોલેંસ લાઈક્સ મી આઈ કાન્ટ અવોઈડ’.
KGF Chapter 1 વિશે વાત કરીએ તો આ ફિલ્મ વર્ષ 2018માં રિલીઝ થઈ હતી.આ ફિલ્મે વિશ્વભરમાં લગભગ 235 કરોડનું કલેક્શન કર્યું હતું.ભારતમાં આ ફિલ્મે જબરદસ્ત કમાણી કરી હતી.પરંતુ લોકોને ફિલ્મના બીજા ભાગથી વધુ અપેક્ષાઓ છે.આ ફિલ્મ 14 એપ્રિલ 2022ના રોજ રિલીઝ થશે.
