બાંધકામ અને વિશિષ્ટ કેમિકલ્સની અગ્રણી ઉત્પાદક પિડિલાઇટ ઇન્ડસ્ટ્રીઝ લિમિટેડે તેના બે સંયુક્ત સાહસો,પિડિલાઇટ લિટોકોલ પ્રાઇવેટ લિમિટેડ (PLPL) અને ટેનાક્સ પિડિલાઇટ પ્રાઇવેટ લિમિટેડ (TPPL) હેઠળ ગુજરાતના આમોદમાં તેના અત્યાધુનિક ઉત્પાદન એકમો શરૂ કરવાની જાહેરાત કરી છે.લિટોકોલ એસપીએ ઇટાલી અને ટેનાક્સ એસપીએ ઇટાલીએ સંયુક્ત સાહસના ભાગરૂપે પિડિલાઇટને ટેક્નોલોજી ટ્રાન્સફર કરી છે.આ ઇવેન્ટ ભારતના પથ્થર અને સિરામિક સોલ્યુશન્સ ઉદ્યોગમાં ટેકનોલોજી ટ્રાન્સફરમાં એક સીમાચિહ્નરૂપ ગતિવિધિ દર્શાવે છે.ટેનાક્સ માર્બલ અને ગ્રેનાઈટ પત્થરોના ઇન્સ્ટોલેશન અને જાળવણી માટે કેટલાક શ્રેષ્ઠ પ્રોડક્ટ સોલ્યુશન્સ પ્રદાન કરે છે.આ પ્રોડક્ટ્સ માર્બલ અને ગ્રેનાઈટને સુંદર ફિનિશ અને લાંબા સમય સુધી રહેતી સુંદરતા અને ચમક પૂરી પાડે છે.લિટોકોલની સ્ટારલીક રેન્જની ક્વાર્ટઝ-આધારિત ટેક્નોલોજી ઇપોક્સી ગ્રાઉટ્સ સ્ટેન પ્રૂફ,નોન-એબ્સોર્બન્ટ અને ગંભીર ઓપરેટિંગ પરિસ્થિતિઓમાં પણ ઇન્ટિરિયલ અને એક્સટિરિયર ફ્લોર તથા વોલ એપ્લિકેશન્સ માટે ખૂબ જ યોગ્ય છે.
પિડિલાઈટ ઈન્ડસ્ટ્રીઝ લિમિટેડના મેનેજિંગ ડિરેક્ટર ભરત પુરીએ જણાવ્યું હતું કે, પિડિલાઈટ ખાતે અમે અમારી તમામ કેટેગરી અને પ્રોડક્ટ ઓફરિંગમાં સતત ઈનોવેશન્સ લાવવા પ્રયત્ન કરીએ છીએ.અમારી અગ્રણી બ્રાન્ડ રોફ એક સાચી ગેમ-ચેન્જર છે જેનો ઉદ્દેશ્ય ભારતમાં પથ્થર અને ટાઇલ ફિક્સિંગ ઉદ્યોગમાં ક્રાંતિ લાવવાનો છે.ટેનાક્સ અને લિટોકોલ સાથેના સંયુક્ત સાહસો ઉદ્યોગના ધોરણોને વિશ્વ-કક્ષાના સોલ્યુશન્સ પહોંચાડવા માટેની અમારી પ્રતિબદ્ધતાને પુનરોચ્ચાર કરે છે.અમારા મજબૂત વિતરણ નેટવર્ક અને આ વૈશ્વિક કુશળતાને જોતાં અમે અમારા ગ્રાહકોને નવા યુગના અને લાંબા સમય ટકે તેવા સોલ્યુશન્સથી સશક્ત બનાવીશું.આ ભાગીદારી એક મહત્વપૂર્ણ સીમાચિહ્નરૂપ છે કારણ કે અમે સફળતાના ભવિષ્ય તરફ વિશ્વાસપૂર્વક આગળ વધી રહ્યા છીએ.અમે રોફ,લિટોકોલ અને ટેનાક્સની ટીમોને આ પ્રવાસને શક્ય બનાવવા માટે તેમના ઉત્કૃષ્ટ પ્રયાસો માટે અભિનંદન આપીએ છીએ.
નવા ઉત્પાદન એકમો લિટોકોલ માટે અનુક્રમે 27000 ચોરસ ફૂટ અને ટેનાક્સ માટે 21000 ચોરસ ફૂટના વિસ્તારમાં ફેલાયેલા છે અને તે સંપૂર્ણપણે ઓટોમેટેડ છે.સંયુક્ત સાહસોમાં આ ટેક્નોલોજી ટ્રાન્સફર સાથે પિડિલાઇટ ઇપોક્સી,યુરેથેન ગ્રાઉટ અને પિડિલાઈટ લિટોકોલ પ્રાઈવેટ લિમિટેડના કિસ્સામાં ટાઈલ એપ્લિકેશન માટે તથા ટેનાક્સ પિડિલાઈટ ઈન્ડિયા પ્રાઈવેટ લિમિટેડના કિસ્સામાં સ્ટોન કેર રેન્જ પ્રોડક્ટ્સના માર્કેટિંગ તથા વેચાણ માટે પોતાના વિતરણ નેટવર્કનો લાભ ઉઠાવશે.અદ્યતન ટેકનોલોજી અને વ્યૂહાત્મક ભાગીદારી સાથે પિડિલાઈટ ઉદ્યોગના લેન્ડસ્કેપને પુનઃવ્યાખ્યાયિત કરવા અને ગ્રાહકોને વિશ્વ કક્ષાની પ્રોડક્ટ્સ ઓફર કરવા માટે તૈયાર છે
