સુરત કતારગામના વેપારીએ બલેશ્વર ખાતે આવેલ ઓફિસમાં ગોળી મારી આત્મહત્યા કરી

– નોકર તથા ઓફિસની બહારના દુકાનદારને નાસ્તો લેવા મોકલી આપી આત્મઘાતી પગલું ભર્યું

પલસાણા : સુરત જિલ્લાના પલસાણા તાલુકાનાં બલેશ્વર ખાતે કાર્ટિંગનો વ્યવસાય કરતાં વૃદ્ધે ઓફિસમાં પોતાની લાઇસન્સ વાળી રિવોલ્વર વડે લમણે ગોળી ધરબી આત્મહત્યા કરી લેતા ચકચાર મચી ગઈ છે.

​​​​​​​મળતી માહિતી અનુસાર સુરત શહેરના કતારગામ વિસ્તારમાં ધોળકિયા ગાર્ડનના દેવકૃપા સોસાયટીના A/1 માં રહેતા બાલુભાઈ નાજાભાઈ વાળા (60) નાઓની ભાગીદારીમાં મોજે પલસાણા તાલુકાના બલેશ્વર ગામે ને.હા.48 પર માજીસા મંદિરની સામેની બાજુએ શ્યામ એન્ટરપ્રાઇઝ નામની ઓફિસમાં આવેલી છે.આજરોજ સવારમાં 9 વાગ્યાના સમયમાં બાલુભાઈ નાઓએ પોતાની લાઇસન્સ વાળી રિવોલ્વર વડે લમણે ગોળી મારી આત્મહત્યા કરી લેતા ચકચાર મચી ગઇ છે.બાલુભાઈ વાળા રાબેતા મુજબ કરતા આજે ઓફિસે વહેલા એટ્લે કે 7:30 વાગ્યે આવ્યા હતા અને ઓફિસમાં રહેલ નોકરને જણાવ્યું હતું કે આજે 10 જેટલા મહેમાન આવવાના છે માટે સારો નાસ્તો લઈ આવ જેથી નોકર અને ઓફિસની બહારનો દુકાનદાર નાસ્તો લેવા માટે ગયા હતા. અને નાસ્તો લઈ પરત આવતા બાલુભાઈ નાઓને બોલાવતા બાલુભાઈ નહિ મળી આવતા નોકરે આમતેમ શોધતા નજીકના રૂમમાંથી બાલુભાઈની લાશ મળી આવી હતી.લોહીલુહાણ હાલતમાં જોઈ નોકર વિનોદભાઈ બોગણીએ અન્ય પાર્ટનરોને ફોન કર્યો હતો અને 108 મારફતે નજીકની સંજીવની હોસ્પિટલમાં લઈ જવામાં આવ્યા હતા.જ્યાં બાલુભાઈને મૃત જાહેર કરવામાં આવ્યા હતા જોકે કાર્ટિંગના વ્યવસાય સાથે જોડાયેલા આ વેપારીએ કયા કારણોસર ગોળીમારી આત્મહત્યા કરી તે હજુ સુધી જાણી શકાયું નથી.ઘટના અંગે પલસાણા પોલીસ સ્ટેશનના પી.એસ.આઈ. સહિતનો કાફલો ઘટના સ્થળે પહોંચી હાલ અકસ્માત મોતનો ગુન્હો દાલખ કરી વધુ તપાસ હાથધરી છે ઘટના અંગે વધુ તપાસ પી.એસ.આઈ ચેતન ગઢવી કરી રહ્યા હોવાનું જાણવા મળેલ છે.