– વડોદરા રેડ ઝોન માંથી રાજપીપળા તરફ ઘૂસવા પ્રયાસ કરતા કે રાજપીપળાથી વડોદરા તરફ જવા પ્રયાસ કરતા લોકોની સાથે સરકારી બાબુઓને પણ પીએસઆઇ પાઠકે અટકાવી કાયદાનો અમલ કરાવ્યો
રાજપીપળા : હાલ કોરોના મહામારી વચ્ચે લોકડાઉન નું કડક પાલન થઈ રહ્યું છે નર્મદા જિલ્લા માં હાલ એક પણ પોઝીટીવ કેસ નથી ત્યારે નર્મદા પોલીસ વડા હિમકર સિંહની કડક સૂચના મુજબ લોકડાઉન નો કડક અમલ કરતી પોલીસ ટિમ ગમે તેવા ચમરબંધ ને જરૂરી મંજૂરી કે પાસ વિના જિલ્લા બહાર કે અંદર પ્રવેશ માટેની છૂટ આપતી નથી છતાં શનિ રવિની રજાના મૂડમાં બહાર રહેતા કેટલાંક સરકારી અધિકારીઓ,કર્મચારીઓ અને ડોક્ટરો રાજપીપળા થી વાયા પોઈચા પુલ થઈ વડોદરા તરફ જવા પ્રયાસ કરતા હતા પરંતુ ત્યાં હાજર નર્મદા પોલીસ ના પીએસઆઇ કે.કે.પાઠકે કાયદા મુજબ જરૂરી પાસ કે મંજૂરી ન હોવાના કારણે બહાર જતા સરકારી બાબુઓ ને અટકાવી પરત રાજપીપળા મોકલી આપી કાયદાનો કડક અમલ થઈ રહ્યો હોવાનો દાખલો બેસાડ્યો હતો.ત્યારે લોકડાઉન નો કડક કાયદો લાગુ કરવામાં આવ્યો છે એ કાયદાનું પાલન આમ જનતા સહિત દરેક માટે લાગુ પડે છે છતા સરકારી તંત્ર નો રોફ દેખાડી કાયદાની પરવાહ ન કરી નર્મદ થી બહાર જવાનો કે આવવાનો પ્રયાસ કરતા કેટલાક સરકારી બાબુઓ ને પોઈચા પુલ પર હાજર પીએસઆઇ કે.કે.પાઠકે પોલીસ વડા હિમકર સિંહ ની કડક સૂચનાનો અમલ કરવા તેમજ કોઈની પણ સરમ રાખ્યા વિના કાયદાનો પાઠ ભણાવ્યો હતો.જોકે જાણવા મળ્યા મુજબ કેટલાક અધિકારીઓ,ડોક્ટરો ને જવા-આવવા દેવા માટે પોલીસ પર રાજકીય આગેવાનો તેમજ સરકારી અધિકારીઓ ના ફોન આવ્યા પરંતુ તેમ છતાં કોઈની લાગવગ કે સરમ ન રાખી નર્મદા જિલ્લા ને ગ્રીન ઝોન માં લાવવા નવો કોઈ કોરોના પોઝીટીવ કેસ ન આવે તેની તકેદારી ના ભાગરૂપે નર્મદા પોલીસે ખરેખર દરેક પાસે કાયદાની અમલ કરાવ્યો હતો.
