– ધર્મપરિવર્તન કરાવનાર મૌલવી પાકિસ્તાની પીએમ ઇમરાન અને સેના પ્રમુખ બાજવા સાથે સીધા સંબંધ ધરાવે છે
– મૌલવી અત્યાર સુધી 1000થી વધુ અલ્પસંખ્યક યુવતી-બાળાઓનુ ધર્મપરિવર્તન કરાવી ચૂક્યો છે
ઇસ્લામાબાદ : દુનિયાભરના દેશો સહિત ધાર્મિક બહુમતી ધરાવતા પાકિસ્તાન પણ કોરોનાથી અછૂત રહ્યો નથી,પરંતુ અહીંનુ પ્રશાસન અને કટ્ટરપંથી મુસ્લિમો ધાર્મિક અલ્પસંખ્યકો પર અત્યાચાર આચરવાની તક ચૂકતા નથી.અલ્પસંખ્યક સમુદાયની યુવતીઓ અને બાળાઓનું અપહરણ કરી બળજબરીપૂર્વક ધર્માંતરણ કરવાની કૃત્યા સતત ચાલી રહ્યા છે.તાજેતરનો કિસ્સો સિંધ પ્રાંતના ઘોટકીના બારઝુંડીનો છે,જ્યાં કવિતા કુમારી નામક એક હિંદુ યુવતીને મુસ્લિમ ધર્મ અંગિકાર કરાવવામાં આવ્યો છે.
પાકિસ્તાની માનવાધિકાર કાર્યકર્તા રાહત ઓસ્ટિન મુજબ કવિતાનુ પહેલા મુસ્લિમ કટ્ટરપંથીઓ અપહરણ કર્યુ હતું અને ત્યાંના કટ્ટરપંથી મુસ્લિમ ગુરુ મિયાં મિટ્ઠુ પાસે લઇ જઇ ધર્મ પરિવર્તન કરાવ્યુ.હિંદુ યુવતીઓ-બાળાઓનું અપહરણ,નિકાહ અને ધર્મપરિવર્તનની અનેક ઘટનાઓ આ વિસ્તારમાંથી સામે આવી રહી છે બહુ મોટાપ્રમાણમાં કરાતા અત્યાચારોને કારણે અહીંના હિંદુ સમાજમાં ભારે રોષ જાગી ઉઠ્યો છે,પરંતુ પ્રશાસન અને મુસ્લિમ કટ્ટરપંથી સામે ધાર્મિક બહુમતી દેશમાં કોઇ કાર્યવાહી કરવામા આવતી નથી.આ કેસમાં સામેલ મિયાં મિટ્ઠુ એક ખાસ અને નામચીન વ્યક્તિ છે જેના સીધી સંબંધ પાકિસ્તાની પીએમ ઇમરાન ખાન અને સેના પ્રમુખ બાજવા સાથે છે,જે અવાર-નવાર તેની મૂલાકાત લેતા રહે છે.મિયાં મિટ્ઠુ અત્યાર સુધી 1000થી વધુ અલ્પસંખ્યક યુવતી-બાળાઓનું ધર્મપરિવર્તન કરાવી ચૂક્યા છે.
પાકિસ્તાની માનવાધિકાર કાર્યકર્તા ઓસ્ટિન મુજબ પાકિસ્તાનમાં અલ્પસંખ્યક સમુદાયની યુવતીઓ-બાળાઓના ધર્મપરિવર્તનનો ખેલ સુનિયોજીત રીતે પાકિસ્તાન સરકાર ચલાવી રહી છે.પાકિસ્તાન સરકાર કટ્ટરપંથીઓને આર્થિક,કાનૂની અને પ્રશાસનિક મદદ આપી રહી છે.સિંધ પ્રાંતમાં વસી રહેલા ધાર્મિક અલ્પસંખ્યક સમુદાયની દિકરીઓનુ ધર્મપરિવર્તન કરાવી ઇસ્લામ કબૂલ કરાવાવા માટે મિયાં મિટ્ઠુ અહીં બહુ મોટા પાટે રેકેટ ચલાવી રહ્યો છે.
વિતેલા દિવસોમાં પાકિસ્તાનના સિંધ પ્રાંતના જકોકોબાદમાં રહેતી સગીર હિંદુ બાળકી મહક ચૌધરીનો મામલો સમગ્ર દુનિયા સામે ખુલ્લો પડ્યો હતો.અહીં 28 વર્ષિય મુસ્લિમ કટ્ટરપંથીએ,જે પહેલેથી જ લગ્ન કરેલો અને ચાર બાળકોના પિતાએ 15 વર્ષની બાળા મેહકનું અપહરણ કરી સ્થાનિક મસ્જિદમાં ધર્મપરિવર્તન કરાવી બળજબરીથી નિકાહ કરી લીધા હતા.
