કોલકાતા : બંધન બેન્કનો માર્ચ 2020ને અંતે પૂરા થયેલા ત્રિમાસિક ગાળામાં ચોખ્ખો નફો ઘટીને ~517.28 કરોડનો થયો હતો જે આગલા વર્ષના સમાન ગાળામાં ~650.87 કરોડ હતો. બેન્કે શેરબજારને આપેલી માહિતીમાં જણાવ્યું હતું કે,ગૃહ ફાઇનાન્સને બેન્ક સાથે ભેળવી દેવામાં આવતા તેની પણ કામગીરીનો સમાવેશ આમાં થતો હોવાથી ત્રિમાસિક ગાળાની કામગીરીની સરખામણી કરી શકાય નહીં.દરમિયાન આ ગાળામાં બેન્કની કુલ આવક ~3,346.47 કરોડની રહી હતી જે આગલા વર્ષના સમાન ગાળામાં ~2,220.32 કરોડ હતી.બેન્કે બેડ લોન માટે ~827.36 કરોડની જોગવાઈ કરી હતી. ગ્રોસ એનપીએ ઘટીને 1.48 ટકા રહી હતી જે વર્ષ અગાઉ સમાન ગાળામાં 2.04 ટકા હતી અને નેટ નેટ એનપીએ ત્રિમાસમાં 0.58 ટકા હતી.
બંધન બેન્કનો નફો ઘટીને 517 કરોડ રહ્યો
