ફ્રેન્કફર્ટ : પાકિસ્તાન હવે કાશ્મીરના તમામ મુદ્દે ભોઠું પડ્યું તો હવે વિદેશમાં ખાલિસ્તાન તરફી આંદોલનને હવા આપવા માટે પ્રયાસ કરી રહ્યું છે.પાકિસ્તાનીઓ થોડા ખાલિસ્તાની સમર્થકો સાથે વિશ્વના વિવિધ દેશોમાં ભારત વિરુદ્ધ રેલીઓ કરી રહ્યા છે.આ શ્રેણીમાં,જ્યારે સેંકડો પાકિસ્તાનીઓએ 15 ઓગસ્ટે જર્મનીના ફ્રેન્કફર્ટમાં રેલી કાઢી હતી,ત્યારે એકલા ભારતીયએ તેમને કરારો જવાબ આપ્યો હતો.
આ ઘટનાનો વીડિયો સોશિયલ મીડિયા પર ભારે શેર કરવામાં આવી રહ્યો છે.જેમાં એક ભારતીય સેંકડો પાકિસ્તાનીઓ અને ખાલિસ્તાનીઓની ભીડ સામે જોરદાર લડતા નજરે પડે છે.ભારત વિરોધી અને વડા પ્રધાન નરેન્દ્ર મોદીનો નારા લગાવતા ટોળા સામે ઉભા રહીને,બહાદુર ભારતીયએ ભારત માતા કી જય ના નારા લગાવ્યા જ નહીં,પરંતુ આ ઘટનાને તેના કેમેરા પર રેકોર્ડ પણ કરી. ફ્રેન્કફર્ટમાં પાકિસ્તાનીઓ અને ખાલિસ્તાનીઓની ભીડનો સામનો કરનારા પ્રશાંત વેંગુર્લેકરે ખુદ આ વીડિયોને ટ્વીટ કરીને ઘટનાની જાણકારી આપી હતી. તે સ્વતંત્રતા દિવસ પર ફ્રેન્કફર્ટમાં ભારતીય કોન્સ્યુલેટમાં આયોજિત એક કાર્યક્રમથી પરત ફરી રહ્યો હતો. આ દરમિયાન તેમણે પાકિસ્તાની અને ખાલિસ્તાન સમર્થકોના ટોળાને ભારત અને પીએમ મોદી વિરુદ્ધ સૂત્રોચ્ચાર કરતા જોયા.
ભારત વિરોધી રેલી જોઈ પ્રશાંતે ત્રિરંગો હાથમાં લીધો અને સેંકડો લોકોની ભીડની સામે ભારત માતા કી જય ના નારા લગાવ્યા.આ દરમિયાન કેટલાક ગુસ્સે ભરાયેલા પાકિસ્તાનીઓએ તેની ઉપર હુમલો કરવા ઘેરી લીધો હતો.જોકે,સ્થળ પર પહોંચેલી ફ્રેન્કફર્ટ પોલીસે પાકિસ્તાનીઓને હાંકી કાઢ્યા હતા.આ દરમિયાન એક પાકિસ્તાનીએ પ્રશાંતનો ફોન છીનવાનો પ્રયાસ કર્યો હતો,પરંતુ પોલીસની દખલ બાદ તેને ભાગવું પડ્યું હતું.
