પાકિસ્તાનમાં હિન્દુ છોકરીઓને મુસ્લિમ છોકરાઓ સાથે બળજબરી પૂર્વક ધર્મપરિવર્તન કરાવી અને લગ્ન કરવાવવાની ઘટનાઓ વધી રહી છે.તાજેતરમાં જ સિંધ પ્રાંતમાંથી એક કિસ્સો સામે આવ્યો છે જેમાં હિન્દુ છોકરી રામબાઈનું બળજબરીપૂર્વક ધર્મપરિવર્તન કરવામાં આવ્યું હતું અને લગ્ન પહેલાથી જ પરિણીત મુસ્લિમ યુવક સાથે કરાવવામાં આવ્યા.
આ મામલામાં એક સુફી ધર્મસ્થાનની મહત્વપૂર્ણ ભૂમિકા હતી.એટલું જ નહીં,અહીંની પોલીસ છોકરીઓનું અપહરણ કરનારાઓ સામે કેસ પણ નોંધી રહી નથી. પાકિસ્તાનની કોર્ટ પણ તેમના પક્ષમાં ચુકાદો આપી રહી છે.આ અગાઉ એક શીખ છોકરી જગજિત કૌર ઉર્ફે આયેશા બીબીને લાહોર હાઇકોર્ટે તેના મુસ્લિમ પતિની મુલાકાત લેવાનો આદેશ આપ્યો હતો.જગજિત છેલ્લા એક વર્ષથી આશ્રયસ્થાનમાં રહેતી હતી.
દક્ષિણ કોરિયાના સિઓલથી આવેલા પાક અધિકારના કાર્યકર્તા રાહત આસ્ટિનએ જણાવ્યું હતું કે,રામ બાઇ પાકિસ્તાનના સિંધ પ્રાંતના મીરપુર ખાસ જિલ્લાના જાન મુહમ્મદ મારીની રહેવાસી છે,જેને બળજબરીથી ધર્મપરિવર્તન કરાવી મુસ્લિમમાં લગ્ન કરાવ્યા હતાં.
રામ બાઇને તેમની ઇચ્છા વિરુદ્ધ પીર જાન આગાખાન સરહંડીએ ધર્મપરિવર્તન કરાવ્યું હતું પરિવારે તેનો વિરોધ કર્યો હતો અને ફરિયાદ નોંધાવવા પોલીસ મથકે દોડી ગયા હતા,પરંતુ પોલીસે ફરિયાદ નોંધાવવાને બદલે ત્યાંથી ભગાડી દીધા હતા.તેઓ કહે છે કે તાજેતરનાં વર્ષોમાં આવી ઘણી ઘટનાઓ બની છે.ઘણી હિન્દુ છોકરીઓને બળજબરીથી પીર જાન આગા ખાન સરહંદીમાં પરિવર્તિત કરવામાં આવી છે.રાહતે કહ્યું કે રામ બાઇના લગ્ન 19 ઓગસ્ટે મોહમ્મદ અબ્દુલ્લા સાથે થયા હતા.તે પહેલાથી જ પરિણીત છે અને સંતાન છે.એટલું જ નહીં,એફિડેવિટ પર યુવતની પણ સહી કરવામાં આવી હતી.જેમાં તેને કહેવામાં આવ્યું કે તેણે પોતાની મરજીથી લગ્ન કર્યા છે.
તેઓ કહે છે કે લાચાર છોકરીઓને પરાણે સહી કરવામાં આવી રહી છે જેથી ભવિષ્યમાં તેમને કોઈ કાયદાકીય સમસ્યાનો સામનો ન કરવો પડે.રાહત કહે છે કે હવે આ સામાન્ય પદ્ધતિ છે.હિન્દુ અને લઘુમતી છોકરીઓ સાથે બળજબરીથી લગ્ન કરનારા મુસ્લિમો હવે આ જ વિચાર અપનાવી રહ્યા છે.
સૂત્રોના જણાવ્યા અનુસાર, ઘણા ધર્મગુરુઓ કે જેઓ હિન્દુ અને ખ્રિસ્તી છોકરીઓને ધર્મ પરિવર્તન કરાવે છે,તેઓ તેમની સાથે જાતીય શોષણ કરે છે.તેઓ તેમને પરિવાર અને પોલીસને સોંપવાને બદલે અપહરણકારોને આશ્રય આપે છે.
