નવી દિલ્હી : સુપ્રીમ કોર્ટે ગુરુવારે સ્ટેટ બેન્ક ઓફ ઈન્ડિયા(SBI)ની અરજી ફગાવી દીધી છે અને રિલાયન્સ કમ્યૂનિકેશન્સના ચેરમેન અનિલ અંબાણીને રાહત આપી છે. દિલ્હી હાઈકોર્ટે અનિલ અંબાણી સામે કાર્યવાહી કરવા પર સ્ટે મૂક્યો હતો,જેને હટાવવા એસબીઆઈએ માગણી કરી હતી.જોકે સુપ્રીમ કોર્ટે આ માગણી ફગાવી દીધી હતી. ટેલિકોમ કંપની રિલાયન્સ કમ્યૂનિકેશન્સના ચેરમેન અનિલ અંબાણીની બેન્કરપ્સી પ્રક્રિયા પર દિલ્હી હાઈકોર્ટે સ્ટે મૂક્યો હતો,જેને હટાવવા એસબીઆઈએ સુપ્રીમ કોર્ટમાં અરજી કરી હતી.આથી અનિલ અંબાણીને રાહત મળી છે.
ઓગસ્ટમાં દિલ્હી હાઈકોર્ટે તેના એક આદેશમાં અનિલ અંબાણી વિરુદ્ધ ઈન્સોલ્વન્સી રેઝોલ્યૂશન પ્રક્રિયા લાગુ કરવા પર બ્રેક મારી દીધી હતી.એસબીઆઈની ~1200 કરોડની લોન ચૂકવવાનો આ કેસ છે.એસબીઆઈએ આરકોમને 2016માં ~565 કરોડની લોન આપી હતી,અને રિલાયન્સ ઈન્ફ્રાટેલ ~635 કરોડની પર્સન્લ ગેરેન્ટી આપી હતી.આ બન્ને માટે અનિલ અંબાણીએ પર્સનલ ગેરેન્ટી આપી હતી.જોકે હવે પ્રમોટરો તરફથી ~1000 કરોડ કે તેનાથી વધુની પર્સનલ ગેરેન્ટી અંગે નવો નિયમ લાગુ થઈ ગયો છે.
પર્સનલ ગેરેન્ટીના કેસની સુપ્રીમ કોર્ટમાં સુનાવણી થઈ રહી છે,જ્યારે ~45,000 કરોડની બાકી રકમના કેસની સુનાવણી એનસીએલટીમાં થઈ રહી છે, જ્યાં સુનાવણી હાલ પેન્ડિંગ છે.
