સુરત જિલ્લાના કામરેજ તાલુકાનાં દિગસ ગામે વડોદરા મુંબઈ એક્સપ્રેસ વે માટે જમીન ચકાસણી કરવા માટે બોરિંગનો સામાન ઉતારી રહેલી ટીમને ગામના ખેડૂતોએ ભેગા થઈ જમીન ચકાસણી કરતાં રોકી હતી અને મશીન સહિત ટેસ્ટિંગ કરવા આવેલા તમામને સ્થળ પરથી પરત કર્યા હતા.
વડોદરાથી મુંબઈ જાત એક્સપ્રેસ વે માટે જમીન સંપાદન,માપણી અને જમીન ચકાસણીનો ઘણા સમયથી વિવાદ ચાલી રહ્યો છે.જમીન સંપાદન અંગે બજાર કિંમતના ચાર ગણા ચૂકવવા,જંત્રી વધારવા સહિતના અનેક પ્રશ્નોની વારંવાર ખેડૂતો સમાજ દ્વારા માગ કરવામાં આવી રહી છે.હાઇવે મુદ્દે ખેડૂતોની કાનૂની લડત ચાલુ હોવા છતાં નેશનલ હાઇવે ઓથોરીટીએ એક્સપ્રેસ હાઇવે માટે જમીન સંપાદન અને ચકાસણી ખાનગી કંપની પાસે શરૂ કરાવી દીધી છે.શનિવારે એક્સપ્રેસ હાઇવે માટે જમીન ચકાસણી કરતી ટીમ બોરિંગ કરવા સામાન સાથે કામરેજ ગામે પહોંચી હતી.જ્યાં જમીન ચકાસણી માટે મશીનો ઉતારવામાં આવી રહ્યા હતા તે સમયે જ ખેડૂતો સ્થળ પર પહોંચી ગયા હતા અને જમીન ચકાસણી અટકાવી દીધી હતી.ખેડૂતોએ એક્સપ્રેસ હાઇવે માટે જમીન સંપાદનની કાનૂની લડત ચાલુ હોવાથી જ્યાં સુધી ખેડૂતોનો પ્રશ્ન હલ નહીં થાય ત્યાં સુધી ચકાસણી નહીં કરવા સ્પષ્ટ જણાવી કંપનીની ટીમને રવાના કરી દીધી હતી.
