ગુજરાત વિધાનસભાની 8 બેઠકની યોજાયેલી પેટા ચૂંટણીની આજે સવારથી મત ગણતરી હાથ ધરવામાં આવી હતી અને અત્યાર સુધી કોંગ્રેસના કબજામાં રહેલી તમામ આઠે આઠ બેઠક પર ભાજપ્નું કમળ ખીલ્યું છે. કચ્છ જિલ્લાના અબડાસાની બેઠક પર 1962 પછી કોઇ ધારાસભ્ય રીપીટ થયા નથી પરંતુ પ્રદ્યુમનસિંહ જાડેજાએ ફરી ચૂંટાઇને નવો વિક્રમ સ્થાપિત કર્યો છે તો બીજી બાજુ કોંગ્રેસના મત વિસ્તાર ગણાતા ડાંગમાં ભાજપ્ના ઉમેદવારનો વિક્રમ સર્જક લીડથી વિજય થયો છે.
અબડાસામાં ભાજપ્ના પ્રદ્યુમનસિંહ જાડેજા અને ડો.શાંતિલાલ સેંઘાણી વચ્ચે ચૂંટણી જંગ ખેલાયો હતો,બપોરે 3 વાગ્યા સુધીમાં 31માંથી 28 રાઉન્ડની મત ગણતરી પૂરી થઇ છે.ભાજપ્ના ઉમેદવારને 37 હજાર કરતા વધુ મતથી વિજેતા જાહેર કરવામાં આવ્યા છે.
મોરબીની બેઠક પર ભાજપે જુના જોગી બ્રિજેશ મેરજાને અને કોંગ્રેસે જેન્તીભાઇ પટેલને મેદાનમાં ઉતાયર્િ હતાં. મોરબીમાં 35 રાઉન્ડની ગણતરી કરવાની હોય છે તેમાંથી 33 રાઉન્ડના મત ગણાય ગયા છે અને ભાજપ્ના બ્રિજેશ મેરજા પાંચ હજાર જેટલા મતે આગળ છે,મેરજાને 61761 અને જેન્તીભાઇને 56912 મત મળ્યા છે.
કોળી સમાજના મતદારોનો દબદબો ધરાવતી લીંબડી બેઠક પર ભાજપે કિરીટસિંહ રાણાને અને કોંગ્રેસે ચેતનભાઇ ખાચરને ટીકીટ આપી હતી. 42માંથી 37 રાઉન્ડની મત ગણતરી પૂરી થયા બાદ કિરીટસિંહને 74499 અને ખાચરને 47714 મત મળતા કિરીટસિંહ 27785 મતથી આગળ છે અને હવે માત્ર વિજેતા જાહેર કરવાની ઔપચારીકતા બાકી રહી હતી.
ધારીની બેઠક પોતાને મળશે તેવી આશા કોંગ્રેસને હતી અને પ્રારંભીક ટ્રેન્ડમાં લીડની વધઘટ ભાજપ-કોંગ્રેસના ઉમેદવારોમાં ચાલુ રહી હતી પરંતુ 29માંથી 24 રાઉન્ડ બપોરે 3 વાગ્યા સુધીમાં ગણાય ગયા છે અને ભાજપ્ના જે.વી.કાકડીયા તેમના નજીકના પ્રતિસ્પર્ધી કોંગ્રેસના સુરેશભાઇ કોટડીયા કરતા 14700 મતથી આગળ છે.
શેડયુલ કાસ્ટ માટેની અનામત જાહેર થયેલ ગઢડામાં ભાજપ્ના આત્મારામભાઇ પરમાર 28માંથી 15 રાઉન્ડના અંતે તેમના હરીફ કોંગ્રેસના મોહનભાઇ સોલંકી કરતા 15196 મતથી આગળ છે.કણજણ બેઠક પર ભાજપ્ના અક્ષય પટેલ 11613 મતથી આગળ છે,29માંથી 24 રાઉન્ડની મત ગણતરી પૂરી થઇ ગઇ છે.કપરાડામાં ભાજપ્ના જીતુભાઇ ચૌધરી કોંગ્રેસના બાબુભાઇ વરઠા કરતા 24352 મતથી આગળ છે.ડાંગ બેઠકના પરીણામોએ સૌ કોઇને ચોંકાવી દીધા છે.આ બેઠક પર સૌથી વધુ મતદાન થયું હતું અને આદીવાસી વિસ્તાર કોંગ્રેસનો ગઢ માનવામાં આવે છે.ડાંગમાં ભાજપે વિજયભાઇ પટેલને અને કોંગ્રેસે સૂર્યકાંત ગામીને ટીકીટ આપી હતી.વિજયભાઇ પટેલ 36864 મતથી આગળ છે અને હજુ 14 રાઉન્ડની મત ગણતરી બાકી હતી.
