સમાજમાં બાળકીઓ અને મહિલાઓ સાથે વધી રહેલી છેડછાડ અને શારીરિક શોષણની ઘટનાઓને જોતા મહારાષ્ટ્રની ઉદ્ધવ સરકાર એક્શનમાં આવી ગઈ છે. મહારાષ્ટ્ર સરકાર એવો કાયદો બનાવી રહી છે જેમાં રેપ કરનાર માટે મૃત્યુદંડની જોગવાઈ રહેશે.કેબિનેટ તરફથી આ બિલને મંજૂરી મળી ગઈ છે અને બહુ જલદી તેને વિધાનસભામાં રજૂ કરવામાં આવશે.
ગૃહમંત્રી અનિલ દેશમુખે કેબિનેટ બાદ કહ્યું કે મંત્રીમંડળે બેઠકમાં શક્તિ એક્ટ બિલના ડ્રાફ્ટને મંજૂરી આપી દીધી છે.આ બિલમાં દોષિત ઠરનાર વ્યક્તિને મૃત્યુદંડ, આજીવન કારાવાસ અને ભારે દંડ સહિત કડક સજા અને દંડની વ્યવસ્થા કરાઈ છે.આ વટહુકમમાં પ્લાસ્ટિક સર્જરી અને ચહેરાના પુર્નનિમર્ણિ માટે એસિડ એટેક પીડિતાને 10 લાખ રૂપિયાની સહાય આપવામાં આવશે અને દોષિત પાસેથી પણ દંડ વસૂલવામાં આવશે.
મહિલા અને બાળકો પર અત્યાચારના કેસ વધતા જતા હોવાથી સરકારે આંધ્રપ્રદેશના દિશા કાયદાની જેમ જ શક્તિ કાયદો બનાવ્યો છે,જેને પ્રધાનમંડળની બેઠકમાં મજૂરી આપવામાં આવી હતી.આ કાયદામાં શિક્ષાનું પ્રમાણ વધારવામાં આવ્યું છે તેમ જ નવા ગુનાઓનો સમાવેશ કરવામાં આવ્યો છે,તેમ મુખ્ય પ્રધાન કાયર્લિયે માહિતી આપી હતી. પ્રધાનમંડળમાં મહાારષ્ટ્ર શક્તિ ક્રિમિનલ લો (મહારાષ્ટ્ર અમેડમેન્ટ) એક્ટ 2020 એન્ડ સ્પેશિયલ ર્કોર્ટ એન્ડ મશિનરી ફોર ઈમ્પ્લિમેન્ટેન્શન ઑફ મહારાષ્ટ્ર શક્તિ ક્રિમિનિલ લો 2020 એમ બે કાયદાને મંજૂરી આપવામાં આવી હતી. અગાઉ ગૃહ પ્રધાન અનિલ દેશમુખે આંધ્રપ્રદેશની મુલાકાત લઈ ત્યાંના કાયદાનો વિશેષ અભ્યાસ કર્યો હતો.રાજ્યમાં વધતી ગુનાખોરી સામે મહિલાઓને રક્ષણ આપવા સરકારે આ કાયદા બનાવ્યા છે.હવે આ કાયદો મહારાષ્ટ્ર સરકારે રાષ્ટ્રપતિની મંજૂરી માટે મોકલી આપ્યો છે.
કેવી હશે સજા
1. બળાત્કાર,એસિડ હુમલા અને બાળક પર અત્યાચાર કરવા બદલ મૃત્યુદંડ
2. સજાની મયર્દિા વધારવામા આવી છે
3. એસિડ હુમલા પ્રકરણમાં દંડની જોગવાઈ કરી છે. આ રકમ પીડિતાના ઉપચાર અને પ્લાસ્ટિક સર્જરીમાં ઉપયોગમાં લેવાનું પ્રસ્તાવિત કરવામાં આવ્યું છે
કાયદામાં સમાવવામાં આવેલા નવા ગુના
1. સોશિયલ મીડિયા મારફતે મહિલાને ધમકાવવી કે તેની બદનામી કરવી.
2. બળાત્કાર,વિનયભંગ અને એસિડ હુમલા મામલે ખોટી ફરિયાદ કરવી.
3. સોશિયલ મીડિયા,ઈન્ટરનેટ અને મોબાઈલ સેવા પૂરી પાડતી કંપ્ની દ્વારા તપાસમાં સહકાર ન આપવો.
4. કોઈ લોકસેવકનો તપાસમાં સહકાર ન કરવો.
5. બળાત્કારની જેમ એસિડ અને વિનયભંગની ભોગ બનેલી પીડિતાનું નામ છાપવાનું બંધનકારક.
