મુરાદનગર પોલીસ સ્ટેશનના વિસ્તારમાં એક એસિડ નાખીને છોકરીને ઇજા પહોંચાડનાર બદમાશની પોલીસે ધરપકડ કરી લીધી છે.પોલીસે ઘટનાને અંજામ આપનારા મુખ્ય આરોપી ઇજાગ્રસ્ત પીડિતાનો બનેવી સિરાજ ઉર્ફે સિરાજૂદ્દીન,પુત્ર બાબુ રહેવાસી સમર ગાર્ડન પોલીસ સ્ટેશન લીસાડી ગેટને કસ્ટડીમાં લેવામાં આવ્યો છે.પીડિતા પોલીસ સ્ટેશનના મહોલ્લામાં પરિવાર સાથે સૂતી હતી,એ સમયે શનિવારે વહેલી સવારે બનેવી સિરાજ ઉર્ફે સિરાજૂદ્દીને જ એસિડ નાખીને ચહેરો સળગાવી દીધો હતો.
પીડિતાની ચીસોનો અવાજ સાંભળીને પરિવારજનોની આંખ ઉઘડી.તેમણે જોયું કે દીકરીના ચહેરા પર એસિડ નાખવામાં આવ્યું છે.આ દરમિયાન આરોપી સિરાજ બહારથી બારણું બંધ કરીને ફરાર થઈ ગયો હતો.પરિવારજનોએ પાડોશીઓને ફોન કરીને દરવાજો ખોલાવડાવ્યો.ત્યારબાદ પીડિત યુવતીને સ્થાનિક હોસ્પિટલમાં લઈ જવામાં આવી હતી.ત્યાં તેની ગંભીર હાલતને જોઈને તેને ગાઝિયાબાદ અને પછી દિલ્હી રેફર કરી દેવામાં આવી હતી.યુવતીની હાલત ગંભીર હોવાનું કહેવામાં આવી રહ્યું છે.તેના બે મહિના બાદ લગ્ન થવાના હતા.યુવતીની માતાની ફરિયાદના આધારે પોલીસે કેસ દાખલ કર્યો હતો.
મોડી સાંજે મેરઠના રહેવાસી સિરાજની ધરપકડ કરી લેવામાં આવી હતી.આરોપી પીડિત યુવતીનો બનેવી લાગે છે.આરોપી સિરાજના લગ્ન 6 વર્ષ પહેલા પીડિતાની મોટી બહેન સાથે થયા હતા. કહેવામાં આવે છે કે તે સાળી પર ખરાબ નજર રાખતો હતો.તેની સાળીના દૂર સંબંધ હતા,સિરાજ સતત સંબંધ બનાવવા અને લગ્ન કરવા માટે દબાવ બનાવતો હતો.હવે સાળીના લગ્ન કોઈ બીજી જગ્યાએ નક્કી થઈ ગયા હતા.તેથી સિરાજ ઘણો નિરાશ થઈ ગયો હતો. તેના (સાળીના) લગ્ન કોઈ બીજી જગ્યાએ ન થાય એટલે શનિવારે સવારે સાળી પર એસિડ નાખીને ભાગી નીકળ્યો હતો.
SP ગ્રામીણ ડો. ઈરજ રાજાએ જણાવ્યું હતું કે સાંજે આરોપીને મેરઠથી પકડી લેવામાં આવ્યો છે.તેને પૂછપરછ કરવામાં આવી રહી છે.પોલીસના જણાવ્યા અનુસાર સિરાજની પત્નીના બાળકો થઈ શકતા નહોતા.એટલે તેણે સાળી સાથે લગ્ન કરવાનું મન બનાવી લીધું હતું.તો સાળીના મેરઠમાં એક યુવક સાથે પ્રેમ સંબંધ થઈ ગયા હતા.
થોડા દિવસ બાદ યુવતીના લગ્ન હાપુડમાં નક્કી થઈ ગયા હતા. જેને લઈને બનેવી નિરાશ થઈ ગયો હતો. તેણે બદલો લેવા માટે સાળી પર એસિડ નાખી દીધું. સિરાજ ગાડી ચલાવે છે અને શુક્રવારે રાતે દિલ્હીથી ફરતી વખતે તે પોતાની સાસરીમાં પહોંચ્યો.તો તેણે ઘરમાં ભરાઈને સાળી પર એસિડ ફેકી દીધું.
