રાજકોટ : શહેરમાં એક બાદ એક હનીટ્રેપના કિસ્સાઓ સામે આવી રહ્યા છે.ત્યારે રાજકોટના કુવાડવા પોલીસ દ્વારા હનીટ્રેપના ચાર આરોપીઓની ધરપકડ કરવામાં આવી છે જે પૈકી બે આરોપીઓ તો પતિ-પત્ની છે.પોલીસે ચાર લોકોની ધરપકડ કરી હનીટ્રેપમાં ફસાયેલા યુવાનને મુક્ત કરાવ્યો છે.આરોપીઓમાં વિજય બાબુભાઈ ઉર્ફે નાગાજણભાઇ ગરચર,ગુણવંતભાઈ રાજુભાઈ મકવાણા,દિવ્યાબેન ગુણવંતભાઈ મકવાણા અને અશોક કોળી. આ તમામ શખ્સો વિરુદ્ધ કુવાડવા પોલીસે અપહરણ તેમજ હનીટ્રેપનો ગુનો દાખલ કર્યો છે તો સાથે જ તમામની ધરપકડ પણ કરી છે.
પોલીસના જણાવ્યા પ્રમાણે મૂળ મેંદરડાના વતની અને હાલ મોરબીમાં રહેતા દિપક સંજયભાઈ ગાજીપરાનો સંપર્ક રાજકોટની દિવ્યા સાથે થયો હતો.પોલીસ પૂછપરછમાં દીપકને દિવ્યાનો નંબર પોતાના કોઈ મિત્ર પાસેથી મળ્યા હોવાનું જણાવ્યું છે.દિપક સંજયભાઈ ગાજીપરાને દિવ્યાનો નંબર મળ્યા બાદ તે બન્ને એક બીજાના સંપર્કમાં હતા. દિપક સાથેની વાતચીતમાં દિવ્યાએ પોતે મોજ મજા માટે છોકરીઓની વ્યવસ્થા કરી આપતી હોવાનું જણાવ્યું હતું.ત્યારબાદ ત્રણ જણા વચ્ચે એક નાઈટનો ભાવ 15000 રૂપિયા સુધીનો હોવાનું દિવ્યાએ જણાવ્યું હતું.પરંતુ દિપક 10000 રૂપિયા કહેતા દિવ્યા માની ગઈ હતી.
ત્યારબાદ તેણીએ કેટલાક ફોટા whatsapp દ્વારા મોકલી આપ્યા હતા,તો સાથે જ મોકલેલા ફોટા પૈકી કોઈ એક છોકરી પસંદ કરવા જણાવ્યું હતું. ત્યારે છોકરી પસંદ થયા બાદ તેમજ નાઈટના 10000 રૂપિયા નક્કી થયા બાદ તારીખ 13 ડિસેમ્બરના રોજ સાંજે પાંચેક વાગ્યે આસપાસ દીપ અને તેનો મિત્ર શૈલેષ કાર લઈને રાજકોટ આવ્યા હતા.ફોન પર દિવ્યા તરીકે વાત કરનાર યુવતીએ પોતે મોરબી રોડ ચોકડી પાસે આવશે તેવું જણાવ્યું હતું,ત્યાં પહોંચી તેણીને ફોન કરતા તે રિક્ષામાં આવી પહોંચી હતી અને ત્યારબાદ દીપ શૈલેષ જે કાર લઇને આવ્યા હતા તે કારમાં બેસી ગઈ હતી.
ત્યારબાદ કાર મોરબી રોડ જકાતનાકાથી આગળ બેઠી ફાટક પાસે આવેલા કાચા રસ્તે લઈ જવામાં આવી હતી.અચાનક ત્રણ જેટલા અજાણ્યા શખ્શો તે જગ્યાએ આવી પહોંચ્યા હતા,અહીં શું કરો છો અમારી ખાનગી જગ્યા છે દારૂ તો નથી પીધોને તેમ કહી દીપ અને શૈલેષ નામ મોઢાં સુંઘ્યા હતા.ત્રણ શખ્સો પૈકી એક શખ્શે અમારા ખેતરમાંથી કુવા અંદરની પાંચ પાણીની મોટર ચોરાઈ ગઈ છે એ તમે જ લઈ ગયા છો તેવો આરોપ મુકી હવે બે લાખ તમારે આપવા જ પડશે નહીંતર અમે પોલીસને બોલાવશો તેવી ધમકી પણ આરોપીઓ દ્વારા આપવામાં આવી હતી.
દિવ્યા તરીકે ઓળખ આપનાર યુવતીને ત્રણ પૈકી એક વ્યક્તિ પોતાની પાછળ એકટીવા બેસાડીને નીકળી ગયો હતો,જ્યારે કે બીજા બે વ્યક્તિઓએ પૈસા તો આપવા જ પડશે તેમ કહી શૈલેષને લાફો પણ માર્યો હતો તેમજ છરી કાઢી ધમકી આપી બે લાખ રૂપિયા આપવા જ પડશે તેવું જણાવ્યું હતું.ત્યારે ગભરાઈ ગયેલા દીપે એકાદ લાખની વ્યવસ્થા થઈ જશે કેમ કે તા બંને શખ્સોએ તેને પોતાની સાથે ટુ વ્હીલર માં બેસાડ્યો હતો અને મિત્ર શૈલેષને કાર લઇ આગળ રોડ પર જઈ જેને ફોન કરવા હોય તેને ફોન કરીને રૂપિયાની વ્યવસ્થા કરી દેવા મોકલી દીધો હતો.
